සංචාරක අමාත්‍යාංශයේ මග පෙන්වීම මත සංචාරක සංවර්ධන අධිකාරියේ මෙහෙයවීමෙන් තිරසර සංචාරක සහතික කරන වැඩසටහන කොළඹ දී පැවැත්වුණා.
ඒ එක්සත් ජාතීන්ගේ සංවර්ධන වැසඩටහනේ බයෝෆින් ආයතනයේ අනුග්‍රාහකත්වය ඇතිවයි.
කුඩා හා මධ්‍ය පරිමාණ සංචාරක ව්‍යාපාරවල තිරසර සංචාරක වැඩසටහනට සම්බන්ධ පිරිස ඇගයීම මෙම වැඩසටහනේ අරමුණයි.
දිවයින පුරා තෝරා ගත් සිය දෙනෙකු වෙනුනෙන් සහතික පත් ප්‍රදානය ද මෙහිදි සිදුකෙරුණා.
“අපේ රටේ කුඩා හා මධ්‍ය පරිමාණ ව්‍යවසායකයන් අතර සංචාරක ව්‍යාපාරයේ නිරතවන බොහෝ පිරිසක් ඉන්නවා. ඉන් 5%ක් නියෝජනය කරන්නේ කාන්තාවන්. මේ පිරිස තවදුරටත් වැඩි කිරීමයි අපේ බලාපොරොත්තුව.
ඒ වගේම හරිත සංචාරක වැඩසටහන් තවදුරටත් ව්‍යාප්ත කළ යුතු වනවා.
වගකීමක් සහිත සංචාරක ව්‍යාපාරයක් බිහි කිරීමයි මගේ අරමුණ. ඒ වගේම සංචාරක ව්‍යාපාරය නගා සිටුවන්න හැකි සෑම පියවරක්ම ගන්න මම සුදානම්”
-P.M
