එහිදී ඔහු මෙසේ ද ප්‍රකාශ කළේය.
“දැනට මහේස්ත්‍රාත් අධිකරණ දක්වා ගමන් කර තිබෙන නීතිය පසිඳලීමේ ක්‍රියාවලිය තව පහළට යා යුතුයි. පොදු ජනතාවගේ අයිතිය විධිමත් ක්‍රමයකට විද්‍යානුකූලව ආණ්ඩුක්‍රම ව්‍යවස්ථාව හරහා සම්මත කරගෙන ඔවුන්ට ලබාදිය යුතුයි. ඒ ආකාරයට දැනටත් මරණාධාර සමිතියේ නීති හදාගෙන තිබෙන්නේ ජනතාවයි. ඒ නීතිය ක්‍රියාත්මක කරන්නෙත් ජනතාවයි. මරණාධාර සමිතියේ නීතිය පසිඳලන්නේත් ඒ අයමයි. ජීවිතය කියන්නේ මරණය විතරක් නොවෙයි. තවත් වැඩකටයුතු ඕනෑ තරම් තියෙනවා. ඒ ඔක්කෝටම පුළුවන් මේ වගේ ව්‍යුහයන් හදා ගන්න. ජනතාවට එකතු වෙලා තමන්ටම ව්‍යවස්ථාව හදාගන්න පුළුවන්. තමන්ටම ඒවා ක්‍රියාවට නඟන්න පුළුවන්. තමන්ටම ඒවා පසිඳලන්න පුළුවන්. මේ ක්‍රමය දැනටත් තියෙනවා. අප ඒවා විධිමත් කරලා තව තවත් පුළුල් කරලා ජනතාවට අවස්ථාව දිය යුතුයි.
ජනතාවගෙ බලය ජනතාවට දෙන්න ඕනෑ කියන ස්ථාවරයේ වෙනසක් නැහැ.
ජනාධිපතිවරණයක් නම් තියන්නේ විවාද කරන්න ඕන ඒකට ඉදිරිපත් වන අපේක්ෂකයෝ මිස වෙන අය නෙවෙයි. එහෙම නැතුව කොහේවත් නැති කැලේ තියෙන කමිටු එක්ක මොන විවාද ද ? මේගොල්ලෝ එක්ක වාද විවාද කරලා අපට දැනගන්න දේකුත් නැහැ. ඒගොල්ලෝ තමයි මේ රට පාලනය කළේ. ඒගොල්ලන්ගේ ප්‍රතිපත්ති නිසා තමයි රට මේ තත්ත්වයට වැටිලා තියෙන්නේ. ඒ ගොල්ලන්ගේ ආර්ථික ප්‍රතිපත්තියේ ප්‍රතිඵල ජනතාවට පේන්න තියෙනවා. ඇත්තටම එක පැත්තකින් කතා කරන්න දේකුත් නැහැ. නමුත් ජනපතිවරණයකදී සාමාන්‍යයෙන් අමෙරිකාව වගේ රටවල ජනාධිපති අපේක්ෂකයෝ අතර විවාද සිදු කෙරෙනවා. ප්‍රතිපත්ති පැහැදිලි කිරීම් සිදු වෙනවා. එහෙම දෙයක් ඇතිවන එක හොඳයි. ආර්ථික කමිටු අර කමිටු මේ කමිටු සෞඛ්‍ය කමිටු කියන එක එක කැලෑ කමිටු එක්ක මේක සාකච්ඡා කරලා වැඩක් නැහැ.“
-P.M
