දරුවන්ගේ ශරීර සෞඛ්‍යයට අහිතකර බොහෝ ආහාර පාන මේ වන විට වෙළඳ‍පො‍ලේ අලෙවි වන බැවින් ඒ සඳහා රටේ ප්‍රසිද්ධ පුද්ගලයින් පෙනී සිටිමින් වැරදි පණිවිඩ සමාජයට දීම හේතුවෙන් විශේෂයෙන්ම දරුවන් එම ආහාර වලට පෙළඹීම බහුල වශයෙන්ම දක්නට ලැබෙන බව සංගමයේ සභාපති වෛද්‍ය අනුරුද්ධ පාදෙනිය මහතා සඳහන් කරයි.
වැරදි ආහාර රටාවන්ට ගොදුරු වීම හේතුවෙන් මේ වන විට දරුවන්ගෙන් සියයට 30ක ප්‍රතිශතයක් ස්ථූලතාවයට හෝ අධිබර පෝෂණයෙන් පෙළෙන බව හෙලිව ඇති බවත් මෙය අනාගතයේදී දරුවන් බෝනොවන රෝග රැසකට ගොදුරු වීමේ අවදානමක් තිබෙන බවත් හෙතෙම පැවසීය.
දරුවන්ගේ පෝෂණ තත්තවය වහාම නිවැරදි නොකලහොත් වසර 2020දී මෙය සියයට 50 දක්වා ඉහළ යන බව ලෝක සෞඛය සංවිධානය පෙන්වා දී ඇතැයි වෛද්‍ය පාදෙනිය මහතා සඳහන් කළේය.
