මේ සම්බන්ධයෙන් මුදල් අමාත්‍යංශ නිලධාරීන්ට අදාළ උපදෙස් ලැබී ඇති බවද සඳහන්ය.
ජාත්‍යන්තර මුල්‍ය අරමුදලේ ප්‍රතිපත්ති සහ ඉලක්කවලට අනුකූලව අතුරු සම්මත ගිණුමක් සකස්විය යුතු බවට ජනාධිපතිවරයා විසින් මීට පෙර උපදෙස් ලබා දී ඇති බව වාර්තා වේ.
කෙසේවෙතත් ප්‍රථමයෙන් ජනාධිපතිවරණය පැවැත්වුවහොත් ඉන් අනතුරුව පාර්ලිමේන්තු මැතිවරණය ද පැවැත්වෙන අතර එම කාලය තුළ අයවැයක් සම්මත කිරීමට ප්‍රතිපාදන නොමැති බව සඳහන්ය.
එම නිසා අතුරු සම්මත ගිණුමක් සකස් කිරීම වඩාත් සුදුසු බව මුදල් අමාත්‍යංශ නිලධාරීන් සමඟ පැවති සාකච්ඡාවක දී කරුණු හුවමාරු වී තිබේ.
මේ අතර මැතිවරණ කාල සීමාව තුළ ජාත්‍යන්තර මුල්‍ය අරමුදලේ වැඩසටහනේ තිරසර බව තහවුරු කිරීමට අවශ්‍ය ඉලක්ක වෙත ළඟාවීමට අවශ්‍ය කටයුතු ජනාධිපතිවරයා විසින් සම්පාදනය කර ඇති බව සඳහන්ය.
අන්තර්ජාතික මුල්‍ය අරමුදල සමඟ පවතින මීළඟ කාර්ය මණ්ඩල මට්ටමේ ගිවිසුම ගැටලුවලින් තොරව ළඟාකර ගැනීමට හැකිවන පරිදි එම ඉලක්ක සකස්කර තිබේ.
මීළඟ කාර්ය මණ්ඩල සංචාරය දෙසැම්බර් මාසයේ දී සිදුකිරීමට නියමිත අතර මීළඟ වාරිකය ලබන වසරේ පළමු කාර්තුවේ දී ලබා දීමට නියමිතය.
-P.M
