එනමුදු ජල මට්ටම් ඉහළ යාම හේතුවෙන් ගං වතුර තත්ත්වයක් ඇති වූ ගංගා ද්‍රෝණි ආශ්‍රීත ප්‍රදේශවල තවදුරටත් පවතිනු ඇති බව මාර්ග දෙපාර්තමේන්තුව පවසා සිටියි.
එහි අධ්‍යක්ෂ එස්.පී.සී සුගීෂ්වර මහතා ප්‍රකාශ කළේ, එය වර්ධනය වීමේ සීඝ්‍රතාව එකිනෙක වෙනස් වන බවයි.
"මෙම ගං ද්‍රෝණිවල පහළ ප්‍රදේශවල පවතින ගං වතුර තත්ත්වය සුළු වශයෙන් වර්ධනය වෙමින් පවතිනවා. ඉහළ ප්‍රදේශවල පහත් බිම්වල ඇති ගං වතුර තත්ත්වය සුළු වශයෙන් අඩු වෙමින් පවතිනවා. කෙසේ වෙතත් ගං වතුරේ බලපෑම අද රාත්‍රිය තුළ පවතිනු ඇති. ඇතැම් ස්ථානවල බලපෑම ඉවත් වනු ඇති.
නිල්වලා ගඟ ද්‍රෝණියේ අකුරැස්ස, කඹුරුපිටිය, මුලටියන, පිටබැද්දර ප්‍රදේශවල පහත්බිමවල පවතින ගං වතුර තත්ත්වය ක්‍රමයෙන් අඩු වෙමින් පවතිනවා.
තිහගොඩ, මාතර, මාලිම්බඩ, අතුරලිය යන ප්‍රදේශවල පහත්බිමවල පවතින ගං වතුර තත්ත්වය තවදුරටත් ක්‍රමයෙන් සුළු වශයෙන් වර්ධනය වනවා. ඇතැම් ස්ථානවල ඉහළ මට්ටමක් පෙන්නුම් කරනවා.
ගිං ගඟ ද්‍රෝණියේ ඉහළ ප්‍රදේශ වන නෙළුව, තවලම වැනි ප්‍රදේශවල ගං වතුර තත්ත්වය ක්‍රමයෙන් අඩු වන අතර පහළ බද්දේගම, නාගොඩ වැනි ප්‍රදේශවල ගං වතුර තත්ත්වය සුළු වශයෙන් වර්ධනය වනු ඇති.
රත්නපුර දිස්ත්‍රික්කයේ ඇතැම් ස්ථානවලින් ගං වතුර තත්ත්වය බැස ගොස් තිබෙනවා. සෙසු ස්ථානවල ගං වතුර තත්ත්වය ක්‍රමයෙන් අඩු වෙමින් පවතිනවා. පහළ ප්‍රදේශවල ගං වතුර සුළු වශයෙන් වර්ධනය වනවා.
කැලණි ගඟේ ඉහළ ප්‍රදේශවල ගං වතුර තත්ත්වය සම්පූර්ණයෙන් ඉවත් වෙලා. අද රාත්‍රිය වනවිට ගං වතුර සම්පූර්ණයෙන් ඉවත් වෙයි. හංවැල්ල, බියගම, කොලොන්නාව වැන ප්‍රදේශවල වෙනසක් නොමැතිව පවතින්න පුළුවන්. ඉන් පසුව ක්‍රමයෙන් අඩු වෙයි. පහත් බිම්වල ගං වතුර තත්ත්වය පවතියි.
අත්තනගලු ඔය ආශ්‍රීත ඉහළ ප්‍රදේශවල ජල මට්ටම් ඉතා සෙමින් අඩුවෙමින් පවතිනවා. කෙසේ වෙතත්
පහළ ප්‍රදේශවල ගං වතුර මට්ටමෙහි වර්ධනයක් දැකිය හැකියි.
ගම්පහ ප්‍රදේශයේ ඇතැම් නගර ගං වතුර බලපෑමට ලක් වෙලා තියෙනවා. ගම්පහ නගරයෙන් පහළ ප්‍රදේශවලට පවතින බලපෑම තවදුරටත් අද රාත්‍රියේ දී ඉහළ යනු ඇති. පහත් බිම්වල ඉන්න අය දැඩි අවධානයෙන් ඉන්න ඔනේ."
