එම වාර්තාව අනුව, 2024 වර්ෂයේ මහා පරිමාණ සංවර්ධන ව්‍යාපෘති 171ක් ක්‍රියාත්මක වේ.
ඉන් ව්‍යාපෘති 09ක් හැර, අනෙකුත් සියලුම ව්‍යාපෘති 2026 වර්ෂය අවසන් වන විට නිම කිරීමට සැලසුම් කර තිබේ.
ඒ අනුව, නව ප්‍රාග්ධන ව්‍යාපෘති සඳහා මූල්‍ය අවකාශය සලසා ගැනීමට හැකි වන පරිදි දැනට ක්‍රියාත්මක වන ව්‍යාපෘති කඩිනමින් නිම කිරීමේ අවශ්‍යතාව සැලකිල්ලට ගෙන, භෞතික ප්‍රගතිය 80%කට වැඩි ව්‍යාපෘති 58ක ක්‍රියාකාරකම් 2024 වර්ෂය තුළ නිම කිරීමටත්, ප්‍රමාණවත් අරමුදල් නොමැති වීම හේතුවෙන් දැනට අත්හිටුවා ඇති ව්‍යාපෘති සඳහා තවදුරටත් මුදල් ආයෝජනය කිරීමට පෙර එවැනි ව්‍යාපෘති පිළිබඳව අවශ්‍ය අධ්‍යයනයන් සිදු කිරීම සඳහා ජාතික මෙහෙයුම් මැදිරි නිලධාරි කමිටුව වෙත යොමු කිරීමටත් මුදල්, ආර්ථික ස්ථායීකරණ සහ ජාතික ප්‍රතිපත්ති අමාත්‍ය වශයෙන් ජනාධිපතිවරයා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී.
