සෞඛ්‍ය අමාත්‍යාංශ ලේකම් විශේෂඥ වෛද්‍ය පාලිත මහිපාල මහතා සඳහන් කළේ, තෝරා ගත් ප්‍රදේශ සඳහා දුමායනය සිදු කරන බවයි.
අධික වර්ෂාවත් සමග යළි ඩෙංගු රෝගය වර්ධනය විය හැකි බව සෞඛ්‍ය අමාත්‍යාංශය පවසයි.
මේ අතර, ජල ගැලීම්වලින් විපතට පත්වු ප්‍රදේශවල ජනතාවට අවශ්‍ය ප්‍රතිකාර ලබාදීම සඳහා වෛද්‍ය කණ්ඩායම් 25 ක් යොදවා ඇතැයි සෞඛ්‍ය අමාත්‍යාංශ ලේකම්වරයා සඳහන් කළේ ය.
ගංවතුර වාර්තා වන ප්‍රදේශ කේන්ද්‍ර කරගනිමින්, ජංගම සායන පෙරේදා සිට ආරම්භ කෙරිණ.
අදාල කණ්ඩායම් වෛද්‍යවරුන්,හෙදියන් සහ ඖෂධවේදීන්ගෙන් සමන්විත වෙයි.
ලේකම්වරයා සඳහන් කළේ, අවශ්‍ය සෞඛ්‍ය වෛද්‍ය නිළධාරි කොට්ඨාස සඳහා මී උණ සඳහා අවශ්‍ය ඔෂධ ලබාදීමටද පියවර ගෙන ඇති බවයි.
-P.M
