ඒ අනුව ජූනි මාසය දක්වා වාර්තා වූ ඩෙංගු මරණ සංඛ්‍යාව දහය දක්වා ඉහළ ගිය බව ජාතික ඩෙංගු මර්ධන ඒකකය ඊයේ (01 වැනිදා) සඳහන් කළේය.

මෙම වසරේ ජූනි මාසය දක්වා වාර්තා වූ ඩෙංගු රෝගීන් සංඛ්‍යාව විසිඅටදහස් දෙසියතිස් නවයක් (28239)ක් බවත්  ඒ අනුව කොළඹ දිස්ත්‍රික්කයෙන් රෝගීන් 6344ක්, යාපනය දිස්ත්‍රික්කයෙන් රෝගීන් 3974ක් සහ ගම්පහ දිස්ත්‍රික්කයෙන් රෝගීන් 2820ක් වශයෙන් රෝගීන් වාර්තාවී තිබේන බව එම ඒකකය විසින් පවසා තිබේ. 

තවද වාර්තා වූ සමස්ත රෝගීන්ගෙන් සියයට තිස්හතයි දශම නවයක් (37.9%)ක් හෙවත් රෝගීන් 10712ක් බස්නාහිර පළාතෙන් වාර්තා වූ බවත් රෝගීන් 4512 දෙනකු උතුරු පළාතෙන් වාර්තා වූ බවත් කී ජාතික ඩෙංගු මර්ධන ඒකකය ඩෙංගු පැතිරයාමේ අධි අවදානම් සෞඛ්‍ය වෛද්‍ය නිලධාරී කොට්ඨාස ගණන 13 සිට 15ක් දක්වා වැඩි වී ඇති බව ද සඳහන් කළේය.