තමන්ට විරුද්ධව, සරත් ෆොන්සේකා මහතා අධිකරණයේ නඩුවක් ගොනු කිරීම සම්බන්ධයෙන්, ආණ්ඩුවේ 'ලංකාපුවත්' සේවයට විශේෂ ප්‍රකාශයක් ලබා දෙමින් සංජීව සමරසිංහ මහතා ඒබව සඳහන් කර ඇත.
තමන් එක්තරා පුවත්පතකට ලබා දුන් කරුණු සම්බන්ධයෙන් එලෙස නඩුවක් ගොනු කර ඇති බවත් ඒ සඳහා කටවඋත්තර ලබා දීම ලබන 08 වනදාට පෙර සිදු කරන ලෙස තමන්ට දැනුම්දී ඇති බවත් ඔහු පැවසීය.
ප්‍රජාතන්ත්‍රවාදී පක්ෂයේ හිටපු මාධ්‍ය සම්බන්ධීකරණ ලේකම් සංජීව සමරසිංහගෙන් රුපියල් මිලියන 100ක වන්දියක් ඉල්ලා, ෆොන්සේකා මහතා අද (02) අධිකරණය හමුවේනඩුවක් පවරා තිබේ.
පක්ෂ නායක සරත් ෆොන්සේකා මහතාට අපහාස වන අයුරින් සංජීව සමරසිංහ හිටපුමාධ්‍ය සම්බන්ධීකරණ ලේකම්වරයා කටයුතු කළ බව සඳහන් කරමින් මෙම නඩුව ගොනු කළබව එම පක්ෂය සඳහන් කරයි.
පසුගිය කාලයේදී සංජීව සමරසිංහ විසින් විද්‍යුත් හා මුද්‍රිත මාධ්‍ය මගින්ෆොන්සේකා මහතාට අපහාස වන අයුරින් කටයුතු කළ බවත් එබැවින් ඔහුට එන්තරවාසියක්යැවූ නමුත් ඊට පිළිතුරක් නොලැබුණු බැවින් මෙම පියවර ගත් බව එම පක්ෂය සඳහන්කරයි.
කෙසේ නමුත් මේ පිළිබඳ වැඩිදුරටත් අදහස් දක්වමින් සංජීව සමරසිංහ මහතා කියා සිටියේ මෙලෙස අධිකරණය ඉදිරියට පැමිණ සරත් ෆොන්සේකා මහතාගේ සැබෑ තතු ඉදිරිපත් කිරීමට ලැබීම තමා ලැබූ භාගයක් බවයි.
එමෙන්ම අධිකරණය ඉදිරියේ සියළු කරුණු පවසන බවත් මෙම නඩු විභාගය සම්බන්ධයෙන් තමන්ට කිසිඳු බියක් නොමැති බවත් සමරසිංහ මහතා වැඩිදුරටත් කියා සිටියි.
