ධීවර අමාත්‍යවරයාගේ උපදෙස් මත මහා භාණ්ඩාගාරය සමග සාකච්ඡා කර අදාළ වන්දි මුදල තීරණය කරන බව ධීවර අධ්‍යක්ෂ ජනරාල් සුසන්ද කහවත්ත මහතා සඳහන් කළේ ය.
ඔවුන් රක්ෂණය වී ඇති බැවින් එක් අයෙකු වෙනුවෙන් රුපියල් දෙලක්ෂ 50000 ක වන්දියක් ද පිරිනැමීමට නියමිත බව ධීවර අධ්‍යක්ෂ ජනරාල්වරයා පවසන ලදී.
මේ අතර මියගිය ධීවරයින් සිව් දෙනෙකුගේ සිරුරු අද දිනයේ තංගල්ල ධීවර වරාය වෙත රැගෙන ඒමට නියමිතය.
පෙරේදා ගොඩබිමට රැගෙන එනු ලැබූ මියගිය තවත් ධීවරයෙකුගේ සිරුරක් මේ වනවිට හම්බන්තොට රෝහලේ තැන්පත් කර තිබේ.
ඩෙවොන් ටූ යාත්‍රාවේ සිටි අදාළ ධීවර පිරිස මෙම සිද්ධියට මුහුණ දුන්නේ පසුගිය සෙනසුරාදායි.
හය දෙනෙකු එම ධීවර යාත්‍රාවේ ගමන් කර තිබෙන අතර දිවි බේරා ගැනීමට හැකි වී ඇත්තේ ඉන් එක් අයෙකුට පමණයි.
-P.M
