මෙම අවාසනාවන්ත ඉරණමට ගොදුරු වී ඇත්තේ මවුආර ජලාශයේ දිය බීමට පැමිණි අවුරුදු 05ක පමණ අලි පැටවෙකි. මෙම අලි පැටවා දිය බීමට පැමිණි අවස්ථාවේ මඬේ එරී ඇත.
අලි පැටවාගේ වලිගය කපා දමා ඇත්තේ එම අවස්ථාවේදි බව උඩවලව වනෝද්‍යාන භාරකරු කැළුම් පතිරණ මහතා කියා සිටියේ ය.
" මඩවගේ තියනවා සමහර තැන් වතුර බොන අලින්ට බහින්න අමාරුයි... එහෙම තැනක තනියෙන් ඉන්න පිරිමි අලියෙක් තමයි මඩට බැහැල තියෙන්නේ... මඬේ එරිලා තියනවා ඒ සතා... ඊයේ අපි ඒ සතාව ගොඩටගත්තා...
ඒවෙනකොට ඒ සතාගේ කෙදි තියන හරියේ කොටසක් කපාගෙන ගිහින් තියනවා... මඬේ එරිලා ඉන්න සතාගේ වලිගේ කෑල්ලක් කපාගෙන යනවා කියන්නේ වචනෙන් කියන්න බැහැ කරපු වඬේනම්... සතා අසාද්‍ය තත්වයේ තමයි ඉන්නේ... "
මෙම සිද්ධියට සම්බන්ධ පුද්ගලයා අත්අඩංගුවට ගැනීම සඳහා කටයුතු කරන බවද උඩවලව වනෝද්‍යාන භාරකරු කැළුම් පතිරණ මහතා වැඩිදුරටත් සඳහන් කළේය.
" ගම්මාන වටේම තියනවා... ඒ නිසා අනවසරයෙන් ඇතුල් වෙන පුද්ගලයෙක්ගේ වැඩක් කියලා තමයි අපි හිතන්නේ.. කවුද මේක කරේ කියලා අපි සොයලා බලනවා... "යයි ද ඔහු පැවසිය.
