මධ්‍යම සංස්කෘතික අරමුදල දායකත්වයෙන් (රුපියල් මිලියන 50ක) හා නාවික හමුදාවේ ශ්‍රමදායකත්වයෙන් ඉදි කෙරුණු කෞතුකාගාරය අවිස්සාවේල්ල නගරයේ දුම්රිය දෙපාර්තමේන්තුව සතු ගොඩනැගිල්ලක ඉදිකර තිබේ. ප්‍රදර්ශන මැදිරි හයකින් යුක්ත කෞතුකාගාරය මධ්‍යම සංස්කෘතික අරමුදල මගින් පවත්වාගෙන යනු ලැබේ
ශ්‍රී ජයවර්ධනපුර විශ්ව විද්‍යාලයේ ඉතිහාසය හා පුරාවිද්‍යා අධ්‍යයන අංශයේ මහාචාර්ය ඇලෙක්සැන්ඩර් කපුකොටුවගේ ප්‍රධානත්වයෙන් යුත් විද්වත් කමිටුවක් මගින් සිතාවක රාජධානියට අයත් ප්‍රදේශවල සිදුකරන ලද පුළුල් අධ්‍යයනයකින් අනතුරුව කෞතුකාගාරයේ මූලික අදියර අවසන් කොට මෙලෙස මහජන ප්‍රදර්ශනය සදහා විවෘත කිරිමයට නියමිතය.
