තමන් සමඟි ජන බලවේගයේ සෑම අස්සක් මුල්ලක් නෑරම දන්නා හෙයින් නිවැරදි විය යුතු තැන නිවැරදි වන්නේ නම් ගැටළුවක් නොමැති බවත් එලෙස වෙනස් වුවහොත් ඝට්ටනයක් ඇත නොවිය හැකි බවත් ෆොන්සේකා මහතා සඳහන් කරයි.

එහෙත් විශේෂයෙන් එම අඩුපාඩු හදා ගැනීමට සජබ නායකයාට වුවමනාවක් ඇති බවක් පෙනෙන්නට නැති බවයි ඔහු කියාසිටින්නේ.

සමඟි ජන සන්ධානය වුවද හරියට කන්දක් විලිලා මී පැටියෙක් බිහිවූවා වැනි දෙයක් සිදු වූ බවත් එහි අලුත් දෙයක් නොතිබුණු අතර පොහොට්ටුවෙන් ගැලවී ආ ඩලස් අලහප්පෙරුම, ජී.එල්. පීරිස් ඇතුළු 10ක් පමණ සිටි බවද ෆොන්සේකා මහතා සඳහන් කරයි.

නමුත් ඔවුන් දිගටම සජබය තුළ රැඳෙනු ඇතැයි විශ්වාස කළ නොහැකි බවත් මහ මැතිවරණයකදී ඔවුන් වෙනස් විය හැකි බවත් පවසන ෆොන්සේකා මහතා තවදුරටත් කියාසිටින්නේ එහි ලොකු දෙයක් නොවුණත් විශාල ප්‍රසිද්ධියක් දුන් බවයි.

LNW