පසුගිය 06, 07, හා 08 යන දිනයන්හි හිරු පත්තරේ විස්තරේ වැඩසටහන අතරතුරදී අපහාසාත්මක අදහස් ප්‍රකාශ කිරීම මේ වන විට අධිකරණයේ විභාග වෙමින් පවතින නඩු සදහන් කරමින් මාධ්‍ය සදාචාරයන්ට නොගැලපෙන හා දැඩි පක්ෂපාතීත්වයෙන් යුතුව එක් අපේක්ෂකයෙකු ප්‍රවර්ධනය වන ආකාරයෙන් අදහස් දැක්වීම, පොදු සංඛ්‍යාත හා ගුවන් කාලය භාවිතා කරමින් තමන්ට රිසි අපේක්ෂකයෙකු ප්‍රවර්ධනය කිරීම හා අනෙකුත් පක්ෂයන්ට අපහාස වන ආකාරයෙන් කටයුතු කර ඇති බවට කිරීම හිරු මාධ්‍ය ජාලයට චෝදනා එල්ල වී තිබේ.
මැතිවරණ කොමසාරිස් පවසන්නේ ජනාධිපති තෝරා පත් කර ගැනීමේ ඡන්ද විමසීම ප්‍රකාශයට පත් කර තිබියදී හිරු මාධ්‍ය ජාලය දිගින් දිගටම මැතිවරණ නීති උල්ලංඝණය කරමින් මැතිවරණ කොමිසන් සභාව 2024.07.26 දිනැතිව නිකුත් කරන ලද අංක 239/57 දරණ ගැසට් පත්‍රයේ සදහන් මාධ්‍ය උපමාණ වලට පටහැනිව කටයුතු කරන බවයි.
එම උපදෙස් නොතකා කටයුතු කිරීම ඡන්ද විමසීම අතරතුර බලපැවැත්වෙන නීති උල්ලංඝණය කිරීමක් බවද 2024-08-13 වන දින ලිපියක් මගින් මැතිවරණ කොමසාරිස්වරයා හිරු මාධ්‍ය ජාලයට දැනුම් දී තිබේ.