මෙම ක්‍රමවේදය ප්‍රකාශයට පත් කෙරෙන්නේ ජනාධිපතිවරණ ඉතිහාසයේ පළමුවරටය. ඒ අනුව නාම යෝජනා දිනයෙන් දින පහකට පසු සියලු ජනාධිපතිවරණ අපේක්ෂකයන් කැඳවා ඡන්දදායකයෙකු වෙනුවෙන් අපේක්ෂකයෙකුට වැය කළ හැකි මුදල් ප්‍රමාණය දැනුම් දීමට නියමිතය.
එකී සීමාව තුළ අපේක්ෂකයන් ජන්දයට මුදල් වැය කළ යුතුය. එලෙස ඔවුන් සිදුකරන වියදම් ලැයිස්තුව ඡන්දය හමාරවී දින 21 තුළ මැතිවරණ කොමිසමට ඉදිරිපත් කළ යුතුය.
අනතුරුව මැතිවරණ කොමිෂන් සභාව විසින් එම වියදම් ලැයිස්තුව ජනතාවගේ දැන ගැනීම සඳහා ප්‍රකාශයට පත් කරනු ලැබේ. ඉන් පසු ජනතාවට ඒ සම්බන්ධයෙන් පැමිණිලි ඉදිරිපත් කිරීමට හැකිය.
ප්‍රචාරක මූල්‍යකරණය පිළිබඳ සීමාවක් තීරණය කිරීමට, ප්‍රධාන අපේක්ෂකයන් කිහිප දෙනෙක්, මැතිවරණ කොමිසම සමඟ ඔවුන්ගේ රැස්වීම්වලදී, නව නීතියට අනුව ඡන්ද දායකයෙකු වෙනුවෙන් රුපියල් 1000ක් වැනි මුදලක් වැය කිරීමට සිදුවනු ඇති බවත් අතර තවත් සමහරු ශත 50ක් වැනි අඩු මුදලක් ලබා දී ඇති බව ආරංචි මාර්ග සඳහන් කරයි. එක් ඡන්ද දායකයෙකුට රුපියල් 350 ක් ලබා දුන් අපේක්ෂකයන් ද සිටියහ.
කොමිෂන් සභාව විසින් ඒ ඒ අය විසින් දැනුම් දෙන ලද මිල ගණන් අනුව තම තීරණය ප්‍රකාශයට පත් කිරීමටත්, ඉදිරි දින දෙක ඇතුළත නිකුත් කිරීමට නියමිත ගැසට් නිවේදනයකින් පිළිගත හැකි මුදලක් ප්‍රකාශ කිරීමටත් අපේක්ෂා කෙරේ.
ඡන්ද දායකයෙකුට රුපියල් 1000 ක ඉහළම ගාස්තුව ඉල්ලා සිටි අපේක්ෂකයින් හෙලිකොප්ටර් මඟින් රට පුරා ප්‍රචාරක කටයුතු සඳහා සහ විදේශ සමාගම් වෙත පෝස්ටර් මුද්‍රණය කිරීම ආදිය නිසා අධික පිරිවැයට හේතුවක් ලෙස දක්වා ඇත.
කෙසේ නමුත් ප්‍රචාරක මූල්‍ය ප්‍රමාණය තීරණය කිරීමේදී ඔවුන් වර්තමාන ජීවන වියදම සැලකිල්ලට ගැනීමත් කළ යුත් බවත් කලින් ප්‍රකාශ කළත් නොපැවැත්වූ පළාත් පාලන මැතිවරණය සඳහා තීරණය කළ පරිදි එක් ඡන්ද දායකයකුට රුපියල් 20 ක් ප්‍රමාණවත් යැයි ද මත පලවී ඇත..
තේරී පත් වූ ජනාධිපතිවරයා ප්‍රකාශයට පත් කිරීමෙන් පසු, සෑම අපේක්ෂකයෙකුම දින 21 ක් ඇතුළත තම අරමුදල් මූලාශ්‍ර ප්‍රකාශ කළ යුතුය. ඉන් පසුව, කොමිෂන් සභාව විසින් මුදල් විගණනය කර ප්‍රසිද්ධියට පත් කරනු ඇති අතර, කිසියම් අපේක්ෂකයෙකු වියදම් සීමාව ඉක්මවා ඇත්නම්, ඊට එරෙහිව උසාවියට යාමට ජනතාවට හැකි වේ.
