සමාජ මාධ්‍ය ජාලා ඔස්සේ ඉදිරිපත් වූ ප්‍රශ්නවලට පිළිතුරු ලබාදීම සඳහා Ask Ranil වැඩසටහනට එක්වෙමින් ඔහු මේ බව කියා සිටියේය.
මෙහි දි ජනාධිපතිවරයා පවසා සිටියේ කිසිවෙකුට විසඳිය නොහැකි යැයි පැවසූ ආර්ථික අර්බුදය විසඳීමට තමන් සමත් වුවත් නිසි ආර්ථික පරිවර්තනයක් සිදු නොකර මෙම වැඩපිළිවෙළ අතරමග නතර කළහොත් යළිත් රටේ ආර්ථිකය කඩා වැටෙන බවයි.
එමෙන්ම රට හමුවේ ඇති ආර්ථික අර්බුදය විසඳීමටනම් පක්ෂ බේදයෙන් තොරව අලුතින් සිතා අලුත් වැඩපිළිවෙළකට යා යුතු බවද ජනාධිපතිවරයා පැවැසීය.
රටේ ආර්ථිකය නව පරිවර්තනයකට ලක් කළ යුතු බවත්, අපනයන ආර්ථිකයක් කරා නොගියහොත් රට යළි කඩා වැටෙන බැවින් ඉදිරි වසර විස්ස ගැන සිතා තීරණයක් ගන්නා ලෙස තරුණයින්ගෙන් ඉල්ලා සිටින බවද ඔහු කීවේය.
