ඒ, ප්‍රමිතියෙන් තොර ප්‍රතිදේහ එන්නත් මෙරට රෝහල් පද්ධතිය තුළ බෙදාහැරීමේ සිද්ධිය සම්බන්ධයෙන් වන නඩුව, මාළිගා කන්ද මහේස්ත්‍රාත් අධිකරණය හමුවේ ඊයේ (29) යළි කැඳවූ අවස්ථාවේදීයි.
යම් හෙයකින් කෙහෙළිය රඹුක්වැල්ල මහතා, පූර්ණ ආබාධිත තත්ත්වයට පත්වුවහොත් සිය සේවාදායකයාට ඇප ලබා දුන්න ද, එහි ප්‍රතිපලයක් නොමැති බව ජනාධිපති නීතිඥවරයා එහිදී සඳහන් කළේ ය.
එවැනි තත්ත්වයක රජයේ රෝහලකින් ප්‍රතිකාර ලබා කෙහෙළිය රඹුක්වැල්ල මහතාට සුවයක් බලාපොරොත්තු විය නොහැකි බැවින් සුදුසු ඇපයක් මත ඔහු මුදා හරින්නැයි ජනාධිපති නිතීඥවරයා අධිකරණයෙන් ඉල්ලා සිටියේ ය.
ඊට විරුද්ධත්වය දැක්වූ පැමිණිල්ල වෙනුවෙන් පෙනී සිටි නියෝජ්‍ය සොලිසිටර් ජනරාල් ලක්මිණි ගිරිහාගම මෙනවිය සඳහන් කළේ, පූර්ණ වෛද්‍ය මණ්ඩලයක් වෙත යොමු කර වාර්තා කැඳවා, එය සැළකිල්ලට ගැනීමෙන් පසුව සැකකාර කෙහෙළිය රඹුක්වැල්ල මහතාට ඇප ලබා දීම පිළිබඳව සළකා බැලිය හැකි බවයි.
එම කරුණු සලකා බැලූ මහේස්ත්‍රාත්වරිය, කෙහෙලිය රඹුක්වැල්ල මහතා පූර්ණ වෛද්‍ය මණ්ඩලයක් වෙත යොමු කර කඩිනම් වාර්තාවක් කැඳවන ලෙසයි.
සිද්ධිය සම්බන්ධයෙන් රක්ෂිත බන්ධනාගාරගතව සිටින පළමු සැකකරු වන ඖෂධ සමාගමේ හිමිකරු සුදත් ජානක ප්‍රනාන්දු යන අය අංගොඩ ජාතික මානසික සෞඛ්‍ය විද්‍යායතනයට යොමු කරන්නැයි ද, මාළිඟාකන්ද මහේස්ත්‍රාත්වරිය, බන්ධනාගාර නිලධාරීන්ට නියෝග කරනු ලැබීය.
ඒ, පළමු සැකකරු වෙනුවෙන් පෙනී සිටි නිතීඥවරයා අධිකරණය හමුවේ කරුණු දක්වමින්, සිය සේවාදායකයා දරුණු මානසික ව්‍යාකූලත්වයකට පත්ව ඇති බව හා බන්ධනාගාරය තුළදී සියදිවි හානිකර ගැනීමට උත්සාහ දරා ඇතැයි කරුණු දක්වමින් අවධාරණය කිරීමෙන් අනතුරුවයි.
-P.M
