ඔහු පෙන්වා දෙන්නේ, ඒ සඳහා නිසි වැඩපිළිවෙලක් තමන් විසින් "පුළුවන් ශ්‍රී ලංකා" ප්‍රතිපත්ති ප්‍රකාශයෙන් හඳුන්වා දී ඇති බවය.
රුවන්වැල්ල ප්‍රදේශයේ පැවති ජනරැලියකට එක්වෙමින් රනිල් වික්‍රමසිංහ මහතා මෙම අදහස් පළ කළේය.
"අපි ඇති කරලා තියෙන ස්ථාවරභාවය තහවුරු කරන්න ඕනේ. නැත්නම් ආපහු පහළට යනවා. ඒක කරන්න තමයි මගේ වැඩසටහන 'පුළුවන් ශ්‍රී ලංකා' ඔබට දෙන්නේ ඒ වරම ලබාගන්න. සජිත් ගැන කියලා වැඩක් නෑ. හැම එකම දැන් නොමිලේ දෙනවලු. තව ටික කාලයකින් නොමිලේ නෙමෙයි ඒක ගන්න කියලා මුදල් දෙයි. මොකද්ද මාලිමාව කියන්නේ, 'පොහොසත් රටක් ලස්සන ජීවිතයක්' කියලා. මම ජනාධිපති වුණාට පස්සේ එහෙම කියනවා. මාලිමාවේ එක අඩුපාඩුවක් තියෙනවා. මේ මගේ මිත්‍ර අනුරට...ආ... දැන් මිත්‍රයා කියන්න එපානේ...හිටපු කෘෂිකර්ම ඇමති අනුර දිසානායකගෙන් මම අහන්න කැමතියි. මම බැලුවා ඒ අයගේ අයවැය. මෙහෙම අයවැයක් හැදුවේ අර බැනියමේ හිල් තියෙන එක්කෙනාද? මේක කරන්න බෑ."
මේ අතර අනුර කුමාර දිසානායකට තමා මූලික ප්‍රශ්න දෙකක්‌ යොමු කරන අතර එම ප්‍රශ්න දෙකට පිළිතුරු දෙනතුරු තමා හැම වේදිකාවකම
එම ප්‍රශ්න දෙක විමසන බව ජනාධිපති රනිල් වික්‍රමසිංහ මහතා වැලිමඩ දී පැවසීය.
අනුර කුමාර අනුමත කරන්නේ ආනයන ආර්ථිකයද? අපනයන ආර්ථිකයද?යන ප්‍රශ්නයට මුලින්‌ පැහැදිලි පිළිතුරක්‌ දෙන්නැයි කී
ජනාධිපතිවරයා දෙවැනිව තම රජය ඉදිරිපත්‌ කළ දුෂණ විරෝධී වැඩසටහනට සහයෝගය දෙනවාද? නැද්ද? එසේ නැතිනම්‌ දූෂණ
මර්දනය කිරීමේ වැඩසටහන එක නීතියකට ලඝු කරනවාද? කියා වහා පිළිතුරු දෙන්නැයි කීය.
ආනයන -අපනයන ආර්ථිකය පිළිබඳ ප්‍රශ්නය තමා මොරවකදී විමසූ දිනට පසු දින අනුර කුමාර අසනීප වී ඇතැයි තමාට ආරංචි වූ බව
කී ජනාධිපතිවරයා තම ප්‍රශ්නවලට පිළිතුරු දීම සඳහා ඉක්මනින්‌ සුවපත්‌ වී එන්නැයි ප්‍රාර්ථනා කරන බවද කීය.
සමගි ජන බලවේගයේ හිටපු පාර්ලිමේන්තු මන්ත්‍රී තලතා අතුකෝරල මහත්මියද ජනාධිපතිවරයාට සහාය පළ කිරීම සඳහා වැලිමඩ
පැවති ජනරැළියට සහභාගී වූවාය
මේ අතර ඊයේ ගම්පොළ පැවති ජනරැලියට එක්වෙමින් හිටපු පාර්ලිමේන්තු මන්ත්‍රී තලතා අතුකෝරාල මහත්මිය මෙලෙස අදහස් පළ කළාය.
"ඔබ සියලුදෙනාම දන්නවා අපේ මාතෘ භූමිය අර්බුදකාරී තත්ත්වයන්ට මුහුණදෙන හැම අවස්ථාවකදීම මේක ගොඩගන්න පක්ෂයක්, පාටක්, භේදයක් නැතුව අතදික් කළ මනුස්සයෙක් ඉන්නවා නම්, ඒ රනිල් වික්‍රමසිංහ මහතායි. අපි බලන් හිටියා මම විපක්ෂයේ මන්ත්‍රීවරියක් විදියට සමහර දාට, මෙතුමා පාර්ලිමේන්තු ඇවිල්ලා රට ගොඩගන්න කියලා ඉල්ලීම් කරද්දි, අද ඔය හංදියක් හංදියක් ගානේ දිනවන්න කියන සමහර අය උපහාසයට හිනා වුණා. ඒ වෙලාවේ ඔයාලගේ බඩගින්න එයාලට දැනුනේ නෑ. මමත් මේක බොහෝම අමාරුවෙන් බලාගෙන හිටියා 2022 ඉඳලා. මේ කතා කරන්නේ රට ගොඩගන්න නේ කියන එක එදා කාටවත් වගේ වගක් තිබුණේ නෑ."
