විශ්වාස කටයුතු ආරංචි මාර්ග පවසන්නේ ග්‍රාමීය මට්ටමින් පිහිටුවනු ලබන ජවිපෙ කොට්ඨාශ සභා විසින් ග්‍රාමීයව පසුගිය දශක තුනක කාලයේ ජවිපෙට එරෙහිව ප්‍රචණ්ඩ ක්‍රියා සිදුකරන ලද පුද්ගලයින් සහ සංවිධාන පිළිබඳව සෙවීම සිදුකරනු ලබන අතර, කොට්ඨාශ සභා මගින් යොමු කරන එම පැමිණිලි ජාතික මට්ටමින් විභාග කිරීම සඳහා මෙම විශේෂ කොමිසම කටයුතු කරනු ලබන බවය.
එයින් වැරදිකරුවන් වන අයට දඬුවම් පැමිණවීම සඳහා විශේෂ අධිකරණ බලයක් සහිතව පිහිටුවනු ලබන මෙම කොමිසම, අධිකරණ සංවිධාන පනතට ගෙන එන සංශෝධනයක් මගින් ස්ථාපිත කිරීමට නියමිතව ඇත.
මේ පිළිබඳව ජනාධිපතිවරණය ජයග්‍රහණය කළ විගසම අනුර කුමාර දිසානායක මහතා විශේෂ ප්‍රකාශයක් කරමින් රටට දැනුම් දීම කළ යුතු බව ජවිපෙ දේශපාලන මණ්ඩලය පසුගියදා ඒකමතිකව තීරණය කර ඇති බව අභ්‍යන්තර ආරංචි මාර්ග සඳහන් කරයි.
ජවිපෙ මෙම තීරණය හදිස්සියේ ගන්නා ලද තීරණයක් නොවන බවත් ජවිපෙ 1994 දී නැවත ප්‍රජාතන්ත්‍රවාදී දේශපාලනයට පිවිසුනු සමයේදීම සිය අසහාය විප්ලවවාදී නායක රෝහණ විජේවීර සහ දිවිපිදූ සියළු සටන් සගයන්ගේ ඝාතනය ගැන සොයා වැරදිකරුවන්ට දඩුවම් ලබා දීම සඳහා තමන්ගේ පාලනයකදී කොමිසමක් පත් කරන බවට ප්‍රසිද්ධ ප්‍රකාශයක් සිදු කර ඇති බවත් මේ පිළිබඳව තොරතුරු අණාවරණය කළ ජවිපෙ තොරතුරු මාර්ග සඳහන් කරයි.
එවකට රෝහණ විජේවීර ඝාතනය ගැන සෙවීමට ජවිපෙ උනන්දුවක් නොදැක්වීම ගැන, ජවිපෙන් විවිධ පාර්ශ්ව කළ ප්‍රශ්න කිරීම වලට පිළිතුරු ලෙස ජවිපෙ පවසා සිටියේ දූෂිත මිනීිමරු ධනපති ආණ්ඩු පත් කරන කොමිසම් වලින් යුක්තිය සාධාරණය බලාපොරොත්තු විය නොහැකි බවය.
