එසේම මේ වන විට එජාපය සතුව පවතින ජාතික ලැයිස්තු මන්ත්‍රීධුරය වෙනුවෙන් ඔහු යළි නොපැමිණෙ බවත් පැවසීය. එම මන්ත්‍රී ධුරය වජිර අබේවර්ධන විසින් ඉදිරියටත් හොඹවනු ඇත.
රනිල් වික්‍රමසිංහ මහතා තමන් යළි මැතිවරණ සඳහහා ඉදිරිපත් නොවන බව සඳහන් කර ඇත්තේ මෙවර ජනාධිපතිවරණයෙන් පසුව එක්සත් ජාතික පක්ෂ කෘත්‍යාධිකාරී මණ්ඩල නියෝජිතයන් සහ ඔහුට සහය දැක්වූ සෙසු පක්ෂ වල පාර්ලිමේන්තු මන්ත්‍රී වරුන් ඇතුලු ප්‍රබලයින් සමඟ වූ හමුවේදීය.
එහිදී ඔහු ප්‍රකාශ කර ඇත්තේ එක්සත් ජාතික පක්ෂයෙන් බිහිවූ කිසිදු රාජ්‍ය නායකයෙකු අනතුරුව පාර්ලිමේන්තු මන්ත්‍රීවරයෙකු ලෙස පහළ ධූරයක කටයුතු කර නොමැති බවය.
එම ප්‍රතිපත්තිය අනුව යමින් තමාද ගෞරවාන්විතව විශ්‍රාම යන බව ඔහු පවසා ඇත. එහෙත් තව දුරටත් එක්සත් ජාතික පක්ෂයේ ජයග්‍රහණය වෙනුවෙන් කටයුතු කරන බවත් ඉදිරි මහ මැතිවරණයේදී විශාල බලයක් අත්පත් කර ගැනීම වෙනුවෙන් කටයුතු කළ යුතු බවත් අවධාරණය කර තිබිනි.
කෙසේවෙතත් පවතින රජයට ඕනෑම අවස්ථාවක තනතුරු පසෙකලා ඕනෑම සහයෝගයක් ලබා දීමට තමා සූදානම් බවත් හිටපු ජනාධිපති රනිල් වික්‍රමසිංහ සඳහන් කර ඇත.
