සමගි ජන බලවේගය සන්ධානය සමග සන්ධානගතව සිටි එක්සත් ජනරජ පක්ෂය, සිය තීන්දුව සජබ මහ ලේකම් රන්ජිත් මද්දුම බණ්ඩාර වෙත ලිඛිතව දැනුම්දී ඇත.
දෙපාර්ශවය අතර ඇතිකරගෙන තිබු එකඟතාවයන් සජබ විසින් කඩකිරීම මෙම තත්වයට හේතුවී ඇතැයි වාර්තාවේ.
මෙවර මහ මැතිවරණයට පාඨලී චම්පික රණවක සජබ ජාතික ලැයිස්තුවෙන් ඉදිරිපත්වීමට නියමිතව සිටි අතර එම පක්ෂයේ ක්‍රියාකාරීන් කීපදෙනෙකු දිස්ත්‍රීක් කීපයකින් නාමයෝජනා බාරදීමට නියමිත තිබිණ. එහෙත් කොළඹ සහ මාතර දිස්ත්‍රීක්ක වලින් එම පක්ෂය යෝජනා කල අපේක්ෂකයින් දෙදෙනාට නාමයෝජනා නොදීම දෙපාර්ශවය අතර ගැටුමකට හේතුවී ඇත.
ජනරජ පක්ෂයේ මහ ලේකම්, බන්ධුල චන්ද්‍රසේකර විසින් යොමුකර ඇති එම ලිපියේ මෙසේ සඳහන් වේ.
2014 මහා මැතිවරණයේදී ස්වාධීන වීම
ඔබ පක්ෂය හා අප පක්ෂය අතර 2024.08.14 දින අත්සන් කරන ලද අවබෝධතා ගිවිසුමට අනුකූලව අප විසින් ඔබ පක්ෂයේ නායක ගරු සජිත් ප්‍රේමදාස මහතාව, 2024 ජනාධිපතිවරණයේදී ජයග්‍රහණය කරවීම සඳහා දිස්ත්‍රික්ක 20 ක අප පක්ෂයේ ක්‍රියාධරයින් කැපවීමෙන් යුතුව කටයුතු කල අතර, ප්‍රධාන මැතිවරණ මෙහෙයුම් කාර්යයේද අපගේ පුර්ණ දායකත්වය ලැබුණු බව ඔබ හොඳින් දනී.
ඒ අනුව, අප අතර ඇති කරගෙන තිබූ අවබෝධතා ගිවිසුමට අනුකූලව ජනාධිපතිවරණයේදී අප ක්‍රියා කර ඇත.
කෙසේ නමුත්, අප අතර ඇතිකරගත් අවබෝධතා ගිවිසුමට අනුකූලව මහා මැතිවරණ ක්‍රියාවලිය තුල ඔබ පක්ෂය ක්‍රියා කර නැති බව හා ඒ අනුව එකී අවබෝධතා ගිවිසුම ඒක පාර්ශවිකව උල්ලංඝනය කර ඇති බව හට අවධාරණය වී ඇත.
ඒ අනුව අප පක්ෂය වන එක්සත් ජන රජ පෙරමුණ එළැබෙන මහ මැතිවරණයේදී සමගි ජන බලවේගය සමග තව දුරටත් කිසිදු දේශපාලන ක්‍රියාවලියකට සම්බන්ධ නොවන බව සහ සමගි ජන සන්ධානයෙන් ඉවත්වන බව ඔබ වෙත කාරුණිකව දැනුම් දෙමු.''
- the leader
