රජයේ ආයතන මගින් සංවිධාන කරන විවිධ කටයුතුවලදී මෙසේ ඡායාරූප හා පණිවුඩ යොදා ගැනීම සිදු වනවා.
එවැනි කටයුතුවලදී අග්‍රාමාත්‍යවරියගේ ඡායාරූප හෝ පණිවුඩ යොදා ගන්නේ නම් අග්‍රාමාත්‍ය කාර්යාලයෙන් පූර්ව ලිඛිත අවසරයක් ලබා ගත යුතුයි.
අමාත්‍යවරුන්ගේ ඡායාරූප හා පණිවුඩ මෙසේ යොදා ගන්නේ නම් අදාළ අමාත්‍යාංශවලින් ඒ සදහා පූර්ව ලිඛිත අවසරයක් ලබාගත යුතු බවයි නිවේදනයක් නිකුත්කරමින් අග්‍රාමාත්‍ය ලේකම් ප්‍රදීප් සපුතන්ත්‍රි මහතා දැනුම් දෙන්නේ.
මේ අතර ජනාධිපති අනුර කුමාර දිසානායක මහතාගේ ඡායාරූප හා පණිවුඩ යොදාගන්නේ නම් ඒ සදහා පූර්න අනුමැතියක් ලබාගත යුතු බවට මීට පෙර දැනුම් දුන්නා.
රජයේ ප්‍රතිපත්තීන්ට හා ඉදිරි දැක්මට අනුකූල වෙමින් මෙම තීරණ ගෙන තිබෙනවා.
-p.m
