2003 අංක 09 දරන පාරිභෝගික කටයුතු පිළිබඳ අධිකාරී පනතට අනුව රූපලාවන්‍ය ක්‍රීම් හා දියර වර්ගවල අඩංගු විය හැකි රසදිය ප්‍රමාණය කිලෝග්‍රෑම් එකකට මිලිග්‍රෑම් එකක් බවයි.
එහෙත් එම අනුමත සීමාව ඉක්මවා අධික රසදිය ප්‍රමාණයක් සම සුදු පැහැ ගන්වන ආලේපනවල අඩංගු වී ඇති බවයි ආනන්ද ජයලාල් මහතා පවසන්නේ .
මේ සම්බන්ධයෙන් අදහස් දක්වමින් ඔහු පවසන්නේ මෙමගින් ස්නායු වලට බලපාන රෝග ඇතිවන බවයි. එම රෝග ලක්ෂණ අතර අත පය හිරි වැටීම් ,මාංශ පේශි කැක්කුම් , නිතර කේන්ද පෙරලීම් සහ අතපය සෙලවීමේ අපහසුතා මුලික රෝග ලක්ෂණ ලෙසත් සදහන් කරයි.
එමෙන්ම සම තුනීවීම ,ලේ නහර මතුවීම මෙන්ම සමේ පිළිකා ඇතිවීමේ සම්භාවිතාව ඉහළ යන බවයි.පිළිකා රෝහල් තුල මෙම තත්වය දැකිය හැකි බවත් ඔහු පවසයි .
මේ නිසා ක්ෂණිකව සුදුවන ක්‍රීම් වර්ග වලින් ඈත් වී කටයුතු කරන ලෙසත් ඕනෑම ආලේපන වර්ගයකින් තමන්ට හිමි උපන් වර්ණය වෙනස් වෙනවා නම් ඒවායේ අනිවාරෙන් සමට අහිතකර ද්‍රව්‍ය අඩංගු බවත් ඔහු කියා සිටි.
-p.m
