සමස්ත ආරක්ෂක නිලධාරි ප්‍රමාණයෙන් පන්සියයකට අධික පිරිසක් එකවර විශ්‍රාම ගැනීමට නියමිත බව දුම්රිය ආරක්ෂක අංශ ප්‍රධාන කාර්යාලයේ උසස් නිලධාරියෙකු සඳහන් කළේය.

1946 වසරේ දෙවන ලෝක යුද්ධයට එක්වූ සොල්දාදුවන්ගෙන් දුම්රිය ආරක්ෂක සේවය පිහිටුවා ඇති බවත් ඉන්පසු 1988 වසරේත් ඉන් පසු වසරකදීත් පමණක් ආරක්ෂකයන් බඳවාගෙන ඇති බවත් කී එම නිලධාරියා සමස්ත කාර්ය මණ්ඩලයෙන් සියයට හැත්තෑ පහක්ම 1988 වසරේදී බැඳුණු ආරක්ෂක නිලධාරින් බවද කියා සිටියේය.

දුම්රිය ආරක්ෂක සේවයට 719 දෙනෙකු සිටිය යුතු මුත් මේ වනවිට සිටින්නේ හාරසියයකටත් අඩු ආරක්ෂක නිලධාරින් පිරිසක් බවත් නිසි බඳවා ගැනීම් වසර ගණනාවක් මුළුල්ලේ සිදුනොවීම මත දුම්රිය දෙපාර්තමේන්තුවට ආරක්ෂාව සැපයීමද ගැටලුකාරී තත්ත්වයකට ලක්ව ඇති බවත් කී එම නිලධාරියා මේ හේතුවෙන් දුම්රිය අංගනවල සොරකම් මෙන්ම දුම්රිය තුළ ගමන් කරන මගීන්ගේ රන් ආභරණ පවා කොල්ලකන තත්ත්වයක් මතුව තිබෙන බවය. ප්‍රමාණවත් ආරක්ෂක අංශයක් යොදවා ඇත්නම් මෙවැනි අපරාද අවම කරගත හැකි බවද එම නිලධාරියා සඳහන් කර සිටියේය.

-p.m