ඒ මහතා එසේ පැවැසුවේ මහරගම පැවති මාධ්‍ය හමුවකදීය.
වැඩිදුරටත් ඔහු මෙසේ ද කීවේය. ඇත්ත වශයෙන්ම මට ආඩම්බරයි. ඉතාමත් පරිණත දේශපාලන නායකයකුගේ උපදෙස් මත දේශපාලනයට ප්‍රවිෂ්ට වීම ගැන. අපේ රටේ ආර්ථික සැලැස්ම පිළිබඳව දිගු කාලීනව සිතපු නායකයෙක් තමයි රනිල් වික්‍රමසිංහ මහතා. මගේ විශ්වාසයක් තමයි නව රජයත් ක්‍රියාකරන්න හදන්නේ ඒ සැලැස්ම ම තමයි කියන එක. කෙසේ නමුත් නව රජයේ අභ්‍යන්තරය තුළ පරිණත, උගත්, පරිපාලනය පිළිබඳව අවබෝධය ලත් පිරිසක් නොමැති නිසා රනිල් වික්‍රමසිංහ මහතාගේ ආර්ථික සැලැස්ම ක්‍රියාත්මක කිරීමට නොහැකිව ඇතැයි මා විශ්වාස කරනවා.
මේ ආණ්ඩුවේ අය පසුගිය කාලයේ දුන් පොරොන්දු කිසිවක් මෙතෙක් ඉටු කර නෑ. ජනතාව අද ජීවත් වන්නේ දැඩි පීඩන මධ්‍යයේයි. බොරු පොරොන්දු දීම නිසා තව තවත් ජනතාව පීඩනයකට පත්වෙනවා.
නව ව්‍යවසායකත්වයක් වර්ධනය කරමින් කොළඹ නගරයේ කැළිකසළ ප්‍රශ්නය, පැල්පත් ප්‍රශ්නය, කුඩා වැස්සටත් යටවෙන ස්ථානයට අදාළ ජල ප්‍රශ්නය වැනි ගැටලු වහාම විසඳීමට මා ඉදිරියේ දී අපේක්‍ෂා කරනවා. කොළඹ දිස්ත්‍රික්කයේ සියලුම ජනතාවගේ ප්‍රශ්න විසඳීමට තමා අපේක්‍ෂා කරනවා.
කොළඹ දිස්ත්‍රික්කයේ ජීවත් වන සියලුම ජනතාවගේ, දරුවන්ගේ අධ්‍යාපනය, සෞඛ්‍ය, ව්‍යාපාරික, කෘෂි කාර්මික, සංස්කෘතික සමාජ සුබසාධන හා යටිතල පහසුකම් ආදී සියලුම ප්‍රශ්න සඳහා විසඳුම් ලබාදීමට ඉදිරියේ දී මැතිවරණයෙන් පසුව මා කටයුතු කරනවා.
-p.m
