ඔහු මේ බව ප්‍රකාශ කළේ මහනුවර ඊයේ (07) පැවැති මාධ්‍ය හමුවක් අමතමින්ය.

"අදටත් රටේ අවුරුදු 5ට අඩු ළමයින්ගෙන් පහෙන් එකක් මන්දපෝෂණයෙන් පෙළෙනවා. මව්වරු 6,64,920ක් සහ දරුවන් 9,25,172ක් පෝෂණ අවශ්‍යතාවය සපුරගන්නේ ත්‍ර්‍රිපෝෂ හරහා. එතකොට ආසන්න වශයෙන් මාසිකව ලක්ෂ 16කට ත්‍රිපෝෂ ලැබෙනවා. ග්‍රෑම් 750 බර එක පැකට් එකක නිෂ්පාදන වියදම රුපියල් 370ක් විදිහට ගණං බැලුවම රජයට වැය වෙන්නේ රුපියල් බිලියන 9යි. ඒ ප්‍රමාණයෙනුත් බිලියන බාගයක් විතර ත්‍රිපෝෂ සමාගම විසින් වෙළෙඳපොළට ආහාර නිෂ්පාදනය කරලා හොයනවා. එහෙම තියෙද්දි ආණ්ඩුව සූදානම් වෙනවා නම් ත්‍රිපෝෂ සමාගම වහන්න අපි ජන අරගල සන්ධානය විදිහට කියනවා අපි ඒකට ඉඩ තියන්නෙ නෑ. අපි රටේ ජනතාවටත් කියනවා වහාම මේකට විරුද්ධ වෙන්න. ත්‍රිපෝෂ සමාගම ආරක්ෂා කරගන්න මැදිහත් වෙන්න. 1987 මේ සමාගම පෞද්ගලික දුම්කොළ නිෂ්පාදන සමාගමක් සමග ඒකාබද්ධව ආරම්භ කරලා 2011 දි රජයේ සෞඛ්‍ය අමාත්‍යාංශයට පවරගන්න හේතු වුනණත් අත්‍යාවශ්‍ය මහජන සේවාවක් නිසා. රජයට පවරගන්න කොට සමාගමේ නිෂ්පාදන ධාරිතාව විදිහට තිබුණෙ රටේ සමස්ථ අවශ්‍යතාවයෙන් සියයට 70යි. නමුත් 2016 වෙද්දි අලුත් යන්ත්‍ර සූත්‍ර එක්ක මේ අගය සියයට 100 දක්වා වර්ධනය වුණා. මේ වෙද්දි අවශ්‍යතාවයටත් වඩා වැඩි නිෂ්පාදනයක් වෙනවා. එතකොට ත්‍රිපෝෂ සමාගම රටේ පෝෂණ අවශ්‍යතාවය සැපිරීමේ විශාල සේවයක් කරන ගමන් ලොකු ලාභයකුත් රජයට උපයල දෙනවා. දැන් ප්‍රශ්නෙ තියෙන්නෙ එහෙනම් ඇයි ත්‍රිපෝෂ සමාගම අහෝසි කරන සැලසුමක් ක්‍රියාත්මක වෙන්නෙ? ආණ්ඩුව ඒ ගැන තම ස්ථාවරය පැහැදිලි කළ යුතුයි."

-p.m