පිරිපහදු නොකළ තෙල් කිලෝ මිලියන 39,000ක් මෙසේ ආනයනය කර මෙම බදු වංචාව සිදුකර ඇති බවත් මෙම වංචාව සිදුකර ඇත්තේ සීනි, ලූනු, පොල්තෙල් වැනි බදු වංචා කළ පුද්ගලයන්ම වීම විශේෂත්වයක් බවත්, ඔවුන් එම වංචා කළ මුදල් ක්ලීන් ශ්‍රී ලංකා වැඩසටහන යටතේ හෝ අයකර ගන්නා ලෙස රජයෙන් ඉල්ලා සිටින බව ද ඒ මහතා පසුගිය දා කොළඹ පැවති මාධ්‍ය හමුවකදී අවධාරණය කළේ ය.
ඒ මහතා කියා සිටියේ, මෙම ආනයනික තෙල් රටේ අලෙවි කිරීමේදී ද කිසිම අවස්ථාවක බිල්පත්වල සටහන් නොවන නිසා බදු අය කර ගැනීමක් සිදු නොවන බවත් පිටකොටුවේ වෙළෙඳුන් කිහිප දෙනෙකු මාර්ගයෙන් එම තෙල් වෙළෙඳපොළට නිකුත් කිරීම සිදුවන බවයි.
දේශීය පොල්තෙල් නිෂ්පාදකයන්ට සියයට 18ක බද්ද පනවා ඇතත් ආනයනික තෙල් සඳහා බද්ද ඉවත් කර ඇති බවත් ඔහු වැඩි දුරටත් අවධාරණය කළා.
රාජ්‍ය අනුග්‍රහය ඇතිව තෙල් ආනයනය කිරීමට අවස්ථාව ලබාදී ඇති නිසා මෙරට පොල්තෙල් නිෂ්පාදන කර්මාන්තකරුවන්ට අයත් ආයතන සියයට 90ක් වැසී ගොස් ඇති අතර, එහි සේවය කළ ලක්ෂ හතරක පමණ පිරිසකට රැකියා අහිමිවී ගොස් ඇති බවයි ඔහු වැඩිදුරටත් කියා සිටියේ.
