සභාව කල්තබන අවස්ථාවේ පැවැති විවාදයට එක්වෙමින් නියෝජ්‍ය ඇමැතිවරයා මේ බව කියා සිටියේය.
නියෝජ්‍ය ඇමැතිවරයා මෙසේද පැවසුවේය.
වසර පහක බලයක් අපි ගත්තේ. තවම ගතව තිබෙන්නේ දින 50 යි. විපක්ෂය චෝදනා කරනවා ආණ්ඩුව ජනතාවට දුන් පොරොන්දු ඉටු කරන්නේ නැහැ කියලා. අපේ ජනාධිපතිවරයා ප්‍රතිපත්ති ප්‍රකාශයෙන් ඉතාම පැහැදිලිව ආණ්ඩුව කරන දේ ප්‍රකාශ කළා. වාහන සම්බන්ධ පොලිස් දෙපාර්තමේන්තුවෙන් මෙහෙයුමක් යන බවට එක මන්ත්‍රීවරයෙක් ප්‍රකාශ කළා. ඒ ක්‍රියාවලිය තුළ ඇතැම් කර්මාන්තකරුවන්ට තර්ජනයක් එල්ල වී ඇති බවට ඒ කතාව තුළ කියවුණා.
නීත්‍යානුකූලව කර්මාන්තයක් කරන කිසිදු අයකුට එය ගැටලුවක් වන්නේ නැහැ. එක්තරා කල්ලියකගේ පෙලඹ වීමක් මත සිදු වන භීතියක් පමණයි ඒ කතා. සහල් ආනයනය කර ඇති බවට විෂය භාර ඇමැතිවරයා ප්‍රකාශ කළා. සහල් නැති තැනක් තිබෙනවා නම් ඒ බව කියන්න. ඒවාට පිළිතුරු දෙන්න පුළුවන් නිසා තමයි ඇමැතිවරයා එහෙම කියන්නේ. දින 50 ආණ්ඩුව තුළ ප්‍රශ්නවලට පිළිතුරු නොදුන්නේ ඇයි කියලා විපක්ෂය අපෙන් අහනවා. පළාත් සභා මැතිවරණ අපි පවත්වනවා. එදා පළාත් පාලන මැතිවරණය පැවැත්වූවා නම් බහුතර සංඛ්‍යාවකින් අපි දිනනවා. ඉතා කෙටි කාලයක් තුළ මේ මැතිවරණය අපි පවත්වනවා.
-දිනමිණ
