මෙම වසරේ, ජාතික අභිමානය පිළිබිඹු කරන සහ වියදම් අවම කරන ගෞරවනීය ආකාරයකින් නිදහස් දිනය සැමරීමට රජය තීරණය කර ඇත.
1948 දී මෙරටට බ්‍රිතාන්‍ය අධිරාජ්‍යවාදීන්ගෙන් නිදහස් ලැබීම සංඛේතවත් කරමින් ඉදිකර තිබෙන කොළඹ නිදහස් චතුරශ්‍රයේ දී මෙම උත්සවය පැවැත්වීමට නියමිත අතර, මහජනතාවට ද සැමරුම් නැරඹීමට හැකි වනු ඇත.
ආරාධිතයින් 1,600 කට අධික සංඛ්‍යාවක් සහභාගී වනු ඇතැයි අපේක්ෂා කරන අතර, උත්සවය උපරිම වශයෙන් පැය එකහමාරකින් අවසන් කිරීමට රජය සැලසුම් කරයි.
ත්‍රිවිධ හමුදාව සහ රජයේ කර්මාන්තශාලා දෙපාර්තමේන්තුව නිදහස් දින සැමරුම සඳහා මූලික සූදානම් කිරීම් දැනටමත් ආරම්භ කර ඇත.
--
