සෑම කෙනෙකුටම ජීවිතයේ අරමුණක් තිබෙනවා. සමහර අරමුණු පාරිභෝගික භාණ්ඩ අත්පත් කර ගැනීමෙන් සහ ලෞකික ජීවිතයෙන්ද ඔබ්බට ගමන් කරයි. ඔඩෙල් ව්‍යාපාරික කටයුතු ආරම්භ කර වසර 25 ක් සහ මාගේ ජීවිතයේ වසර 50 ක් සපුරන මේ මොහොතේල සත්ත්වයන්ට සැලකීමට කුඩා කල සිට මා සිත තුළ තිබුණු ආශාව ඉටුකර ගැනීමේ කාලය පැමිණ ඇතැයි මම විශ්වාස කරමි. පසුගිය වසර කිහිපය මුළුල්ලේම සතුන් වෙනුවෙන් මගේ උපරිමය කිරීමට මා උත්සාහ ගත් අතර සතුන් සමග සහයෝගයෙන් ජීවත්වීමේ වැදගත්කම මිනිස් සමාජයට අවබෝධ කර දීමටද කටයුතු කළෙමි. නමුත්, එයටත් වඩා යමක් කිරීමට කාලය එළඹ ඇති බව මාගේ විශ්වාසයයි.
මගේ විශ්වාසය වන්නේල මා ඉපදී තිබෙන්නේ සතුන්ට උපකාර කිරීමට බවයි. ළමා කාලය සතුන් එක්කම ගත කළ මමල ඔවුන්ට පිහිටක් වන ආකාරය පිළිබඳව සිහින දැක්කෙමි. ඔවුන්ගෙන් අපගේ ජීවිත වලට මෙන්ම ලෝකයට තිබෙන වැදගත්කම පිළිබඳව මම ළමා අවධියේදිම අවබෝධ කර ගත්තෙමි. එදා පටන් අද දක්වා මෙම පණිවුඩය ඔඩෙල් සංස්කෘතියේ අංගයක් බවට පත් විණ. විලාසිතා කෙරෙහි මාගේ නැඹුරුවල සතුන් කෙරෙහි මා තුළ ඇති දයාව සමග සැමවිටම ඒකාබද්ධ වූ අතර ඒ තුළින් මිනිසුන් හා සතුන් එකට ජීවත්වීමේ වැදගත්කම හුවා දැක්වීම අපගේ අරමුණ වියං සෑම ගනුදෙනුකරුවෙකු වෙතම සෑම දිනකම මෙම පණිවුඩය සන්නිවේදනය විය.
මාගේ අරමුණ වන්නේ ඉදිරි වසර වලදී මෙම පණිවුඩය තවත් විශාල පිරිසක් වෙත අරගෙන යෑමයි එම්බාර්ක් හි විශිෂ්ට කණ්ඩායම සුනඛයින්ගේ ජීවන තත්ත්වය වර්ධනය කිරීමට දිනපතා බොහෝ වැඩ කොටසක් කරන අතර ඉදිරියටත් මා සිදුකරන වැඩසටහන්වලට ඔවුන් විශාල සහයෝගයක් ලබාදීමට නියමිතය.
සමාගමේ මා සතු කොටස් විකිණීම යථාර්තවාදී ව්‍යාපාරික තීරණයක් මෙන්ම සතුන්ට උපකාර කිරීමට වැඩි කාල වේලාවක් සොයා ගැනීමේ අවස්ථාවක් ලෙසයි මම දකින්නේ. නව කොටස්කරුවන් ඔඩෙල් හි, සේවය කරන විශිෂ්ට කාර්ය මණ්ඩලය සමග එක්ව සාමූහිකත්වයෙන් හා මනා දැක්මකින් යුතුව සමාගම දියුණුවෙන් දියුණුවට රැුගෙන යනබව මා හොඳාකාරවම දනිමි.
මෙම අද්විතීය ගමන් මගට සහයෝගය ලබාදුන් මාගේ සියළුම කොටස්කරුවන්ටත් ගනුදෙනුකරුවන්ටත් මෙන්ම මාගේ කාර්යක්ෂම කාර්ය මණ්ඩලයටත් තුති පුද කිරීමට මා මෙය අවස්ථාවක් කර ගනිමි. ඔඩෙල් වෙත ඉදිරියටත් ඔබගේ සහාය ලබාදෙනු ඇතැයි මා විශ්වාස කරන අතර මා දිරිමත් කිරීම පිළිබඳව ඔබට හද පතුළෙන්ම ස්තූති පුදකරමි. ඔබ, මාගේ නව ඇරඹුමේ කොටස්කරුවන් වනු ඇතැයි විශ්වාස කරමි.
