අද (21) පාර්ලිමේන්තුවේදී අදහස් දක්වමින් ඔහු සඳහන් කළේ, අස්වැසුම ප්‍රතිලාභ සඳහා සුදුසුකම් ඇති නමුත් තවමත් ඒ සඳහා ප්‍රතිලාභ නොලැබූ අයවලුන්ට සහන ලබාදීම සඳහා පරීක්ෂණ ආරම්භ කර ඇති බවය.
අස්වැසුම ප්‍රතිලාභ ක්‍රියාවලිය සවිස්තරාත්මකව සමාලෝචනය කරමින්, සුදුසුකම් ඇති නමුත් ප්‍රතිලාභ නොලැබූ අයවලුන්ට සහන ලබාදීම තහවුරු කිරීම සඳහා පද්ධතිය හරහා තොරතුරු පරීක්ෂා කරමින් සිටින අතර විශාල පිරිසක් අභියාචනා ඉදිරිපත් කර තිබෙන බව අමාත්‍යවරයා පැවසීය.
ඒවා නිසි ක්‍රමවේදයකට අනුව සමාලෝචනය කිරීමට කටයුතු කරන අතර 2024 සඳහා වූ මුදලට සාපේක්ෂව වැඩි ප්‍රමාණයක් 2025 වසරේදී ලබාදීම බලාපොරොත්තු වෙමින් මෙම ක්‍රියාවලිය ක්‍රියාත්මක කරන බව නියෝජ්‍ය අමාත්‍යවරයා පැවසුවේය.
