බොදු බල සේනා සංවිධානයේ විවෘත ආරාධනයට ඇතුළත් කරුණු පිළිබඳව ප්‍රතිචාරය පළ කිරීමට බලාපොරොත්තු වෙන බවට එජාප මහ ලේකම් තිස්ස අත්තනායක මහතා 'බිබිසි සංදේශයට' කර තිබු ප්‍රකාශය පිළිබඳව 'ශ්‍රී ලංකා මිරර්' කල විමසීමකදී, බොදු බල සේනා සංවිධානයේ ප්‍රධාන විධායක නිලධාරී කථිකාචාර්ය දිලන්ත විතානගේ මහතා පවසා අැත්තේ , කල්ගතවී හෝ එක්සත් ජාතික පක්ෂයට යථාර්තයට ලංවීමට හැකිවීම ගැන තම සංවිධානය මැදිහත් සිතින් සතුටුවන බවය.
තම සංවිධානය එජාපය සමග සාකච්ජා කිරීමට සුදානම් නමුත්, එම සාකච්ජා තම සංවිධානයේ කොන්දේසිවලට යටත්ව සිදුවිය යුතු බවද විතානගේ මහතා අවධාරණය කර අැත.
විධායක ජනාධිපති ආණ්ඩු ක්‍රමය ඇතුළු වෙනත් පොදු කාරනා සම්බන්ධයෙන් එක්සත් ජාතික පක්ෂය ‘ කෙටි න්‍යාය පත්‍රයක්’ යෝජනා කර ඇතැයි 'බිබිසි සංදේශයට' පැවසු එක්සත් ජාතික පක්ෂයේ මහ ලේකම් තිස්ස අත්තනායක මහතා, බොදු බල සේනා සංවිධානය ඇතුළු වෙනත් සංවිධානවල අදහස් ද සැලකිල්ලට ගනිමින් පොදු න්‍යාය පත්‍රයක් කරා අවතීර්ණ විය යුතුව ඇති බව වැඩි දුරටත් ප්‍රකාශ කරයි.
(ශ්‍රී ලංකා මිරර්)
