යුරෝපා සංගමය එල්.ටී.ටී.ඊ.යට එරෙහිව 2006 දී පැනවූ තහනම පසුගියදා ඉවත් කෙරින. එම තීන්දුවට පෙර ශ්‍රී ලංකා රජය පැත්තෙන් කරුණු දක්වන ලෙස යුරෝපා සංගමය දැනුම් දී ඇතත් ඒ පිළිබඳ කිසිවක් නොකිරීම සම්බන්ධයෙන් මෙසේ විශ්වාස භංගය ගෙන ඒමට සැලසුම් කර ඇත.


යුරෝපා සංගමයට ඒක පාර්ශ්විකව මෙවැනි තීන්දුවක් ලබාදීමට ශ්‍රී ලංකා විදේශ සේවය පදනම සාදා දී ඇති බව එජාපයේ ස්ථාවරය වී ඇත.

 අවස්ථා තුනකදී මේ පිළිබඳ කරුණු දක්වන ලෙස යුරෝපා සංගමය දැනුම් දුන්නත් ලිඛිතව හෝ කරුණු දක්වා මීට විරෝධය පළකිරීමට ආණ්ඩුව කටයුතු  කර නැතැයි එජාප නායකත්ව මණ්ඩල සාමාජික, පාර්ලිමේන්තු මන්ත්‍රී  මංගල සමරවීර මහතා සඳහන් කළේය. 

විපක්ෂයේ පක්ෂ මෙම සතියේදී පාර්ලිමේන්තුවේදී මේ පිළිබඳ විරෝධය පළකිරීමට සූදානම් බවද ඔහු ප්‍රකාශ කළේය.