නමුත් ඒ අවස්ථාවේ ධීවර අමාත්‍යාංශය ඉදිරිපිටදී ධීවරයින්ට පහරදී ගැටුම්කාරී වාතාවරණයක් ඇතිකිරීම පිළිබදව ධීවර සංවිධාන ඒකමුතුව ඔවුන්ගේ බලවත් විරෝධය හා පිළිකුළ පල කර සිටී.
මාධ්‍ය නිවේදනයක් නිකුත් කරමින් ඔවුහු මෙසේ අදහස් දක්වති.
''අප ඉන්ධන මිල පහල හෙලීමට බල කළ සටනේ දී අප සමග එකට ජීවත් වන පීඩිතයන් වන බහු දින ධීවර කාර්මිකයන් වචනයෙන් හෝ අප දිරි ගන්වන ලදී. අද රජයේ පහර දීමෙන් වැඩිම පීඩාවට පත්ව ඇත්තේ බහු දින ධීවර මුදලාලි ලා නොව අප සමග එකට ජීවත් වන බහුදින ධීවර කාර්මිකයන් ය. බහුදින ධීවර කර්මාන්තය අහිමි වීමෙන් ද වැඩිම පීඩාවට පත්වන්නේද එම පිරිසයි. එබැවින් ඔවුන්ගේ බඩවියත අහිමි වීම හා පහර කෑම අපට සිදුකළ පහර දීමක් හා අප බඩවියත අහිමි වීමක් ලෙස අපට දැනේ.විදේශ නැව් මගින් අල්ලනා මාළු දේශීය වෙළද පොළට මුදා හැරීම බහුදින ධීවර කර්මාන්තයට මෙන්ම එක් දින ධීවර කර්මාන්තයට ද එක් ලෙස බලපායි. එමගින් දේශීය මාළු වෙළද පොළ ද අස්ථාවර කරනු ලබයි. ධීවර ඇමතිවරයාගේ පෞද්ගලික ලාභ ප‍්‍රයෝජන සදහා දේශීය හා විදේශීය මාළු වෙළද පොළට සිදුකරන හානියට අපි බලවත් ලෙස විරෝධය පළ කරමු. ''
මැර බලය හා නිල බලය භාවිතා කර ගනිමින් රජය හා ඇමතිවරු මෙලෙස සමස්ත ජනතාවම පීඩාවට පත්කරමින් ගෙන යන මෙම වැඩපිළිෙවළට එරෙහිව සියලු දෙනාම එක් වන ලෙස ධීවර සංවිධාන එකමුතුව ඉල්ලා සිටී
