විදුලි බල අමාත්‍යංශයෙන් ලැබුනු මහදැන මුත්තාගේ නියෝගයකින් මේ වන විට ළක්විජය බලාගාරයේ එක් යන්ත්‍රයකුත්, කැළනිතිස්ස බලාගාරයේ කොම්බයින්ඩ් සයිකල් බලාගාරයත් සපුගස්කන්ද ඩීසල් බලාගාරයත් නවතා දමා ඇත. 

ලැබුනු මෙම අපූරු නියෝගයේ සඳහන් වන්නේ එම බලාගාර වලින් අහිමිවන විදුලිය කෙරවලපිටිය පුද්ගලික තාප විදුලි බලාගාරයෙන් ලබා ගන්නා ලෙසය.

 ඒ අනුව මාස ගණනාවක් නවතා තිබූ කෙරවලපිටිය බලාගාරය නැවතත් විදුලි ජනනය අාරම්භ කර ඇත.

මේ හේතුවෙන් දිනකට මෙගා වොට් පැය 6000 ක ප්‍රමාණයක් එ්කකයක් රුපියල් 25 ක මුදලට මිලදී ගැනිමට සිදුව තිබේ. 

එනම් මහජන මුදල් කෝටි 15 ක් (6000x1000 කි.වො.පැ. x 25) දිනකට කාබාසිනියා වේ. 

කෙරවලපිටිය නොහොත් ‍යුගදනවි බලාගාරය LTL සමාගමට අයත් එකකි. LTL සමාගම යනු විදුලි බල මන්ඩලයේ සාරය උරා බොමින් වැජඹෙන පරපෝෂිතයෙකි. 

LTL සමාගමේ ප්‍රධාන කොටස් කරුවන් වන්නේ විදුලි බල අමාත්‍යංශයේ සහ ලංකා විදුලි බල මන්ඩලයේම උසස් නිලධාරීන් ය.

මීට පෙර අණාවරනය කළ පරිදි , ලක්විජය බලාගාරයේ දෙවන හා තෙවන අදියරයන්හි ජනනය අාරම්භ වූ විට නතර කරන්නන්ට සිදුවූ එක් බලාගාරයක් නම් කෙරවලපිටිය බලාගාරයයි.

 එහෙත් මෙහි අායෝජනය කර ඇති අමාත්‍යංශ ලේකම් වරයා තමන්ගේ බලාගාරය ක්‍රියාත්මක කර ගැනීමට මෙවැනි නියෝගයක් නිකුත් කර ඇත. 

පෙර සිටි අැමතිවරුන්ගේ කිල්ලෝට වල හුණු සෙවීමට ප්‍රථම, තමන්ගේ ලොටයේ සිදුවන වංචා ගැන පරීක්ෂන නොකරන්නේ වෙන කිසිවක් නිසා නොව පවිත්‍රාද මෙම වංචා දූෂණ වලට සම්බන්ධ නිසා  දැයි සේවකයින් ප්‍රශ්න කරති. 

-කරන්ට් මෑන්-

(ලංකා ඊ නිව්ස්)