බෝට්ටු දෙකකින් ඕස්ට්‍රේලියානු මුහුදු තීරයට ලඟා වී සිටින දෙසීයකට අධික ශ්‍රී ලාංකික දෙමළ සරණාගතයන්ට රටට පිවිසීමට අවසර නොදීමට ඕස්ට්‍රේලියාව ක්‍රියා කළ අතර ඔවුන් සම්බන්ධයෙන් අදහසක් පළ කරනු ලැබීම පවා ඕස්ට්‍රේලියානු බලධාරීන් විසින් බැහැර කරනු ලැබීය.
මේ තත්වය ජාත්‍යන්තර නීති රීති, සම්මුතීන් සහ මානව හිමිකම් උල්ලංඝණය කිරීමක් වන බව මානව හිමිකම් ක්‍රියාකාරීන් පවසති.
ශ්‍රී ලාංකික සරණාගතයන් සම්බන්ධයෙන් ඔස්ට්‍රේලියාව කටයුතු කරන ආකාරය පිළිබඳව අනාථයන් සඳහා වන එක්සත් ජාතීන්ගේ ආයතනයද තම බලවත් කනස්සල්ල පළ කර තිබේ.
