මේ නිසා මේ පාලන ක්‍රමයට විරුද්ධව ප්‍රජතන්ත්‍රවාදය වෙනුවෙන් අපි සියළුදෙනා එක්ව සටන් කළ යුතු බව උන්වහන්සේ අවධාරණය කරයි.
ප්‍රජාතන්ත්‍රවාදය සඳහා ජනතා ව්‍යාපාරය පෙරේදා (30) සවස නුගේගොඩ පැවැත්වූ විරෝධතා රැලියේදී උන්වහන්සේ මෙම අදහස් පළකළහ.
'' මා සිටින්නේ බලවතුන්ගේ බලය ආරක්ෂා කිරීමට හෝ දූෂිතයින්ගේ දූෂිත ගමන ආරක්ෂා කිරීමට නොවේ. මේ රටේ ජනතාවගෙ හෘද ශාක්ෂිය වෙනුවෙන් බව නිර්භයව ප්‍රකාශ කරන්න කැමතියි. ඔබ අපි සියලුදෙනා ගන්නේ යම් තීන්දුවක්ද ඒ තීන්දුව සමග මා සිටින බව ඉතා නිර්භයවත් අවංකවත් ප්‍රකාශ කරන්න කැමතියි.''
''ත්‍රස්තවාදය උපදින්නේ ප්‍රජාතන්ත්‍රවාදය අහිමි වූ මොහොතක. මේ රටේ වගකිව යුතු අය, වගකිව යුතු පුරවැසියෝ මේ අනතුර දකින්නේ නැත්නම් ආපහු සූරියකන්දක්, ආපහු හඬාවැටෙන මව්වරු, ආපහු කැරලි ගහන තරුණයෝ, ආපහු ටයර් සෑයවල් දකින කාලකණ්නි යුගයක් ආයෙත් දකින්න කැමතිනම් මේ ආණ්ඩුක්‍රමය පවත්වාගෙන යා යුතුය. ඒකට විරුද්ධ නම් අපි මේ පාලන ක්‍රමයට විරුද්ධව ප්‍රජාතන්ත්‍රවාදය, මහජන සම්මුතිය වෙනුවෙන් අපි සියලුදෙනා එක්ව කටයුතු කළ යුතුයි. අද අපි පැමිණ සිටින්නේ ඒ සඳහාය.'' යනුවෙන් වැඩිදුරටත් ප්‍රකාශ කළහ.
