එම මාර්ගයේ සිදුකරන ප‍්‍රතිසංස්කරණ කටයුතු වලට සමගාමීව කොටගල, පතන ප‍්‍රදේශයේ කළු ගලක් විද ඉදිකරන නව උමං මාර්ගය මෙලෙස යා කරන ලදී.
මාස තුනකට ආසන්න කාලයක් උමං මාර්ගයේ දෙපසින් කැණීම් ආරම්භ කර තිබුණේය.
මෙම උමං මාර්ගයට ඉහළින් උඩරට දුම්රිය මාර්ගය පිහිටා තිබීමද විශේෂත්වයකි. දැනට උමං මාර්ගය හරහා බර වාහන ධාවනය කළ නොහැකි අතර ඊට විසඳුමක් ලෙස එහි ප‍්‍රතිසංස්කරණ කටයුතු සිදු කෙරුණි.
මේ අනුව සම්පුර්ණ ප‍්‍රතිසංස්කරණ කටයුතු සිදුකිරීමෙන් අනතුරුව එහි බරවාහන ගමනාගමනයට ද පහසුකම් සැලසෙනු ඇත.
මේ වන විට මාර්ගයේ ප‍්‍රතිසංස්කරණ කටයුතු සියයට අනූවකින් නිම වී ඇති බව මාර්ග සංවර්ධන අධිකාරිය සඳහන් කළේය.
