එමෙන්ම වසර 2008 දී සිදුකළ පර්යේෂනයට සාපේක්ෂව මෙම වසර වනවිට අවුරුදු 18 ට වඩා වැඩි ජනගහනයෙන් සියයට පහළොවකට පමණ දියවැඩියා රෝගය වැළඳී ඇති බවට අනුමාන කළ හැකි බවද ඒමහතා පවසයි.
ඔහු මේ බව පවසා සිටියේ ලෝක දියවැඩියා දිනය පිළිබඳ මාධ්‍ය දැනුවත් කිරීම සඳහා පැවති මාධ්‍ය හමුවේදීය.
එමෙන්ම මෙරටේ 2008 වසරෙන් පසු දියවැඩියා රෝගය පිළිබඳ මුළු රටම ආවරණය වන පරිදි සමීක්‍ෂණයක්‌ කර නොමැති බව පෙන්වා දෙන ඒ මහතා මෑතකදී කොළඹ දිස්‌ත්‍රික්‌කයේ කළ පර්යේෂණයකදී අවුරුදු 18 ට වඩා වැඩි ජනගහනයෙන් 29% ක් දියවැඩියා රෝගයෙන් පෙළෙන බව අනාවරණය වී ඇති බව පවසා සිටියේය.
මේවනවිට ලෝක ජනගහනයෙන් මිලියන 382 කට පමණ දියවැඩියා රෝගය වැළඳී ඇති අතර ලෝක දියවැඩියා දිනය නොවැම්බර් 14 වැනිදාට යෙදී ඇත.
