අන්තර් විශ්වවිද්‍යාලයීය ශිෂ්‍ය බල මණ්ඩල කැඳවුම්කරු නජිත ඉන්දික මාධ්‍ය නිවේදනයක් නිකුත් කරමින් අද පෙරවරුවේ වූ සිද්ධිය මෙසේ විස්තර කරයි.
අධ්‍යාපනය විකිණීමට එරෙහි විරෝධතා බැනරය බලංගොඩ නගරාධිපති සහා ඔහුගේ මැරයන් විසින් ගලවා දමයි.
අධ්‍යාපනය විකිණීම නවතනු!
මාලඹේ හොර උපාධි කඩය අහෝසි කරනු!
පාසැල් තුළ සිදු කරන මුදල් අය කිරීම නවතනු!
සරසවි තුළ පාඨමාලා මුදලට විකිණීම නවතනු!
යන සඨන් පාට මුල් කරගනිමින් රට පුරා නගර දැනුවත් කරමින් විරෝධතා බැනරය අත්සන් කිරීම පසුගිය 4 වන දින කොළඹ කොටුවෙන් ආරම්භ කරන ලදී. අද දින බලංගොඩ නගරයේ හා අම්බලන්තොට නගරයේ මෙම බැනරය අත්සන් කිරීම සිදු කරයි.
අද දින(10) බලංගොඩ නගරයේ විරෝධතා බැනරයේ අත්සන් කරන අවස්ථාවට බලංගොඩ නගරයේ නගරාධිපති නිමල් ගාමිණි වීරසූරිය ඔහුගේ මැරයන් සමඟ පැමිණ එම බැනරය කඩා ඉවත් කර දමා සිසුන්ට තර්ජනය කොට ඇත. ඔහු පැමිණ ඇත්තේ බලංගොඩ පොලිසිය විසින් නිකුත් කළ ලියුමක්ද සමඟ වේ. එම ලිපියේ කරුණු 2ක් සඳහන් කර තිබූ අතර ජනතාවට පිඩා වන අයුරින් සිදු කරන්නේනම් හා ආණ්ඩු විරෝධී වැඩ කරන්නේනම් ඒ සඳහා ක‍්‍රියාමාර්ග ගැනීමට නගරාධිපතිට බලය ලබා දෙන බවයි.
බලංගොඩ නගරාධිපතිගේ මෙම මැර ක‍්‍රියාව ඉතා පැහැදිලිව පොලිසියේ සෘජු මැදිහත් වීම මත සිදු වන්නක් වේ. ඒ බව පොලිසිය මගින් ලබා දුන් ලිපිය මගින් පැහැදිලි වේ. මෙම සඳහන් වන නීතිය කොහේ තිබූ නීතීයක්ද බව අපට ඇසීමට ඇත. මෙලෙස පොලිස් බලතල සිවිල් පුද්ගලයන්ට ලබා දෙන්නේ කුමන පදනමකින්ද බවත් අපට ඇසීමට ඇත.
නජිත් ඉන්දික
(කැඳවුම්කරු)
