වැඩිදුරටත් කරුණු දැක්‌වූ 2014 වසර තුළදී පමණක්‌ තැපැල් දෙපාර්තමේන්තුව රුපියල් කෝටි 200 කට අධික වාර්තාගත පාඩුවක්‌ ලබා තිබියදී මෙවැනි සමුළුවක්‌ සඳහා මෙතරම් විශාල මුදලක්‌ වැය කරමින් මහජන මුදල් කාබාසිනියා කිරීම දැඩි ලෙස හෙළාදකින බව තැපැල් වෘත්තීය සමිති නායකයෝ කියා සිටියහ.
මෙහිදී වැඩිදුරටත් අදහස්‌ දැක්‌වූ තැපැල් සේවකයෝ මෙසේ පැවසූහ.
තැපැල් දෙපාර්තමේන්තුව දවල් ආහාරය සඳහා කෑම පැකට්‌ හයදාහක්‌ සහ රාත්‍රි කෑම සඳහා කෑම පැකට්‌ හයදාහක්‌ ලෙස කෑම පැකට්‌ 12000 ක් පුද්ගලික ආයතනයකින් මිලදී ගෙන තිබෙනවා.
දවල් ආහාරය සාකච්ඡාවට සහභාගිවීමට පෙර කොළඹ මධ්‍යම තැපැල් හුවමාරු මධ්‍යස්‌ථානය, තැපැල් මූලස්‌ථාන ගොඩනැඟිල්ල සහ කැලණිය වෙදමුල්ල විශ්‍රාමික නිවාඩු නිකේතන යන ස්‌ථාන තුනේදී ලබාදී තිබෙනවා.
මධ්‍යම තැපැල් හුවමාරු මධ්‍යස්‌ථානයේදී තැපැල් සේවකයන්ට දවල් ආහාරය ලෙස ලබා දී තිබෙන්නේ පිළුණු වුණු ආහාරයි. මේ නිසා කෑම පැකට්‌ දාහකට අධික ප්‍රමාණයක්‌ ආහාරයට නොගෙනම විසිකර දමා තිබෙනවා.
සාකච්ඡාවෙන් පසු රාත්‍රි ආහාර වේලත් නිසි ලෙස ලබා දී නැති අතර මේ නිසා ලංකාවේ විවිධ ප්‍රදේශවල සිට කොළඹට පැමිණ සිටි තැපැල් සේවකයන්ගෙන් විශාල පිරිසකට බඩගින්නේම ආපසු යන්න සිදුවී අැත.
මේ මහා වංචාව පිළිබඳව විධිමත් පරීක්‍ෂණයක්‌ පැවැත්විය යුතු බව තැපැල් වෘත්තීය සමිති නායකයෝ කියා සිටියහ.
