මේ සඳහා රක්ෂණ සමාගම් දහයකට ආසන්න සංඛ්‍යාවක් මේ සදහා කැමැත්ත පළ කර ඇති අතර ඒ පිළිබඳ සාකච්ඡා ලබන 18 වෙනි දින පැවැත්වීමට නියමිතව ඇති බව එච්.අයි.වී. ඒඩ්ස් මර්දන වැඩසටහනේ අධ්‍යක්ෂ වෛද්‍ය සිසිර ලියනගේ මහතා සඳහන් කළේය.
ඒඩ්ස් වෛරසය ශරීරගත වූ පුද්ගලයින් 800ක් පමණ දෙනා මේ වන විට හඳුනාගෙන ඇති අතර එම පුද්ගලයින්ට මෙම ජීවිත රක්ෂණ ආවරණය ලබා ගැනීමට හැකි වනු ඇතැයි වෛද්‍ය ලියනගේ මහතා පැවැසීය.
මෙම විශේෂ සාකච්ඡාව සඳහා ජාත්‍යන්තර කම්කරු සංවිධානය, රක්ෂණ සමාගම් නියෝජිතයින් හා සෞඛ්‍ය අමාත්‍යාංශයේ නිලධාරීන් සහභාගිවීමට නියමිත බවද අධ්‍යක්ෂවරයා පැවැසීය.
එච්.අයි.වී. වෛරසය ශරීරගත වූ පුද්ගලයින්ට කරනු ලබන ප්‍රතිකාර අනුව ඔවුන්ට වසර 10ක් හෝ 15ක් ජීවත් විය හැකි බැවින් මෙම ජීවිත රක්ෂණ ආවරණය ලබා දීම සුදුසු බව ඒඩ්ස් මර්දන වැඩසටහන තීරණය කර අැත.
