ඊයේ(06) නිවේදනයක් නිකුත් කරමින් හෙතෙම පවසා තිබුණේ ශ්‍රී ලංකාවේ රජයේ නියෝජිතයින් සමග වන සාකච්ඡාවලට අමතරව විපක්ෂයේ දේශපාලන පක්ෂ මෙන්ම මෙරට පුරවැසියන් හමුවී කතාබහ කිරීමට තමන් අපේක්ෂා කරන බවයි.
ශ්‍රී ලංකාවේ සාම ක්‍රියාදාමය ශක්තිමත් කිරීමට දකුණු අප්‍රිකානු ජනාධිපති ජේකබ් සූමාගේ විශේෂ නියෝජිතයා ලෙස රමෆෝසා මහතා පත්කර ඇත.
තමන් ශ්‍රී ලංකාවේ කුමක් කරන්නේද යන්න තීරණය කිරීමට ප්‍රථම ශ්‍රී ලාංකිකයින්ට ඇහුන්කන්දෙන බව ඔහු පෙන්වා දෙයි.
එහෙත් සිරිල් රමෆෝසා ගේ සංචාරය පිළිබඳ අදහස් දක්වමින් නියෝජ්‍ය අමාත්‍ය නියෝමාල් පෙරේරා පවසන්නේ ශ්‍රී ලංකාවේ ජාතික ගැටලුවට විසඳුම ශ්‍රී ලංකාව තුලින්ම මතුවිය යුත්තක් බවද, ඊට විසඳුම් සෙවීම සහ රමෆෝසා ගේ සංචාරය අතර කිසිදු සම්බන්ධතාවයක් නැති බවයි.
ශ්‍රී ලංකාව සහ දකුණු අප්‍රිකාව අතර සම්බන්ධතා ශක්තිමත් කිරීම මගින් "දෙමළ, සිංහල, මුස්ලිම් ජනතාවගේ ආර්ථික සහ සාමාජයීය ගැටළු විසඳීම" රමෆෝසා ගේ මෙම චාරිකාවේ අරමුණ බව පෙන්ව දෙන අමාත්‍යවරයා ජාතික ගැටලුවට විසඳුම් සෙවීම සම්බන්ධයෙන් විදේශීය රටවල සහාය පැතීමට දෙමළ ජාතික සන්ධානයට අවශ්‍ය නම් ඒ පිළිබඳව කිසිඳු විරෝධයක් නැති බවද පෙන්වා දෙයි.
කෙසේවෙතත් පසුගිය නොවැම්බරයේ පැවැති පොදු රාජ්‍ය මණ්ඩලීය රාජ්‍ය නායක සමුළුවට සහභාගි වූ ජනාධිපති ජේකබ් සූමා, ජාතික ගැටලුවට විසඳුමක් සෙවීම් සඳහා දකුණු අප්‍රිකාවේ අත්දැකීම් බෙදා හදා ගැනීමට සූදානම් බව සඳහන් පවසා තිබුණි.
කෙසේ වෙතත් මෙරට දේශපාලන ප්‍රශ්න වලට මැදිහත් වීම සම්බන්ධයෙන් මැදිහත් විම ගැන ජාතික හෙළ උරුමය හා ජාතික නිදහස් පෙරමුනෙහි විරෝධය මේ වන විටත් එල්ල වි තිබේ.
