ජනාධිපතිවරයාගේ උපන්දිනය හා ජනාධිපති පදවි ප්‍රාප්තිය දී ඇත්තේ නොවැම්බර් 18 දාය.
ජනාධිපතිවරණයකදී කි‍්‍රයාත්මක විය යුත්තේ කෙසේ දැයි යන්න පිළිබඳ ජාතික හෙළ උරුමයේ අවසන් තීරණය ඉදිරි දින පහ ඇතුළත ප‍්‍රකාශයට පත් කරන බව එම පක්ෂයේ ප්‍රධානියකු පැවසිය.
මේ අතර, සන්ධානයේ මහ ලේකම් ඇමැති සුසිල් ප්‍රේමජයන්ත මහතා ඊයේ මාධ්‍ය හමුවක් අමතමින් ප්‍රකාශ කලේ, ශ‍්‍රී ලංකා නිදහස් පක්‍ෂය හා ජාතික හෙළ උරුමය අතර පැවැත්වෙන සාකච්චා අවසන් වී නැති අතර ඉදිරි දින දෙක තුන තුළදී සාකච්ඡා අවසන් කර එකඟතාවකට පැමිණෙන බවයි.
දේශපාලන පක්ෂයක් තුළ විවිධ මත දරන පුද්ගලයින් සිටිය හැකි බවත් එම කිහිප දෙනා දරන මතය පක්ෂයේ මතය නොවන බවත් එහිදී පැවසු ඇමතිවරයා,
මේ වන තෙක් හෙළ උරුමය සමග පැවැත් වූ සාකච්ඡා ඉතා සුබවාදී බවද කියා සිටියේය.
