තම කොන්දේසිවලට යහපත් ලෙස ප්‍රතිචාර නොදැක්වූයේ යැයි යන පදනම මත ජාතික හෙළ උරුමය ආණ්ඩුවේ මැති ඇමති තනතුරු වලින්  පසුගිය සඳුදා ඉවත්විය. 


ව්‍යවස්ථා ප්‍රතිසංස්කරණ, අධිකරණයේ ස්වාධීනත්වය ආරක්ෂා කිරීම, හෙළ උරුමයේ ඉල්ලීම් අතරවිය. කෙසේ නමුදු රජය සමග සාකච්ඡා කිරීමට විවෘතව සිටින බව හෙළ උරුමය පැවසීය. 


මේ පිළිබඳව කළ විමසුමකට ප්‍රතිචාර ලෙස අමාත්‍ය බැසිල් රාජපක්ෂ මහතා ප්‍රකාශ කර සිටියේ හෙළ උරුමය සමග සාකච්ඡා කිරීමට කැමැත්තෙන් සිටින බවයි. 


මීට ඉහත හෙළ උරුමය සහ රජය අතර සාකච්ඡා වට පහක් පැවැත්විණි.