සෞඛ්‍ය සේවා කීට විද්‍යා සහකාර නිලධාරීන්ගේ සංගමයෙහි ලේකම් නජිත් සුමනසේන මහතා පෙන්වා දෙනුයේ සාමාන්‍යයෙන් ඩෙංගු වසංගතයක්‌ නොවන මට්‌ටමක පවත්වා ගැනීමට නම් ඩෙංගු මදුරු කීට ඝනත්වය මනිනු ලබන බ්‍රිටෝ දර්ශකයෙහි 4 කට අඩු අගයක එම කීට ඝනත්වය පැවතිය යුතු බවයි.
කුරුණෑගල, කෑගල්ල, මීගමුව, යාපනය, කොළඹ, රත්නපුර හා මාතර යන දිස්‌ත්‍රික්‌කවල ඩෙංගු මදුරු කීට ඝනත්වය 15 කට වැඩි මට්‌ටමක පවතින බවත් ඇතැම් ප්‍රදේශවල 30 ත් 40 ත් අතර මට්‌ටමක පවතින බවත් ඔහු කීවේය.
රට පුරා පවතින කීට විද්‍යා සහකාර නිලධාරීන්ගේ හිඟය මත ඩෙංගු මදුරු කීට ඝනත්වය පිළිබඳ වාර්තා සෞඛ්‍ය බලධාරීන් වෙත යෑවීමේ කටයුතු ප්‍රමාද වෙමින් පවතින බව හෙතෙම අවධාරණය කළේය.
මෙම මාසයේ මේ දක්‌වා ඩෙංගු රෝගීන් 1778 දෙනකු වාර්තා වී ඇති අතර මෙම වසරේ මෙතෙක්‌ වාර්තා වී ඇති එම රෝගීන්ගේ සංඛ්‍යාව 38,362 කි.
