මිල්ටන් මහතා එක්සත් ජාතික පක්ෂෙය් ප්‍රබල ක්‍රියාකාරිකෙයකි. මාදම්පේ එජාප සංවිධාන කටයුතු සදහා ක්‍රියාකාරීව දායක වන ඔහු හිටපු අමාත්‍ය මෛත්‍රීපාල සිරිසේන මහතා විපක්ෂෙය් පොදු අපේක්ෂකයා ලෙස ප්‍රකාශයට පත්වීමෙන් පසුව එයට සතුට ප්‍රකාශ කරමින් රතිඤ්ඤා දල්වමින් ප්‍රීතිය පළ කළ කණ්ඩායමේ නායකයා ය. දෙවන වෙඩි ප්‍රහාරයට ලක්ව ඇති නිවසේ පදිංචිව සිටින සුදේශ් ප්‍රියංකර මහතා ද සිරිසේන මහතා ට ජය පතා සතුට ප්‍රකාශ කළ අයෙකි.
මෝටර් සයිකල් වලින් පැමිණි පිරිසක් තම නිවසට වෙඩි තැබූ බවත් ශබ්දය ඇසී තමන් එළියට පැමිණෙන විට මේ පිරිස පළා ගිය බවත් ඒයට විනාඩි දහයකට පමණ පසු නැවත වරක් මෝටර් බයිසිකලයකින් පැමිණ තම වත්ත දෙසට වෙඩි තැබූ බවත් මිල්ටන් මහතා කැෆේ සංවිධානය වෙත ප්‍රකාශ කෙළ්ය.
ජනාධිපතිවරණය ප්‍රකාශයට පත්වීමෙන් පසුව වාර්තා වූ දෙවන සහ තෙවන වෙඩි තැබීමේ සිදුවීම මෙයයි.
පොදු අපේක්ෂකයා ප්‍රකාශයට පත්වීමෙන් පසු සිදුවී ඇති ප්‍රචණ්ඩ ක්‍රියා සංඛ්‍යාව 4 ක් වන අතර මේ වන විට එම ප්‍රචණ්ඩ ක්‍රියා වලදී තුවාල ලැබු පුද්ගලයින් තිදෙනෙක් කොළඹ සහ කුරුණෑගල රෝහල්වලට ඇතුළත් කර සිටිති. ඉන් අයෙකුගේ තත්වය බරපතල බව වාර්තා වෙයි.
