ජනාධිපතිවරණය ප්‍රකාශයට පත් කොට ඇති අවස්ථාවක එම මැතිවරණයට තරග කිරීමේ අභිලාෂය ප්‍රකාශයට පත් කොට ඇති අපේක්ෂකයින්ගේ කටවුට් සහ පුවරු ප්‍රදර්ශනය නීත්‍යානුකූල වන්නේ නැත.
එපමණක් ද නොව කොළඹ මහ නගර සභාවට අදාළ බදු මුදල් ගෙවීමකින් තොරව මෙම පුවරු ප්‍රදර්ශනය සිදු කොට ඇති බව අප වෙත දැනගන්නට ලැබී ඇත. මෙමගින් කොළඹ මහ නගර සභාවට හිමි විය යුතු විශාල මුදල් ප්‍රමාණයක් ද අහිමි වේ.
මේ පිළිබද සලකා බලා, බදු ගෙවීමකින් තොරව පුවරු ප්‍රදර්ශනය සදහා අවසර දී ඇත්තේ කවුරුන් විසින් ද යන්න සොයා බලා සුදුසු කටයුතු සිදු කිරීමටත්, ඔබගේ පාලන බල ප්‍රදේශයේ බදු මුදල් ගෙවීමකින් තොරව සවි කොට ඇති සියලු පුවරු සහ කටවුට් ඉවත් කිරීමට සුදුසු පියවර ගන්නා මෙන් කාරුණිකව ඉල්ලා සිටිමි.
