එම උසාවි නියෝගය නිකුත් කෙරුණේ, තවත් බෝට්ටුවක් මගින් ළඟා වූ හතළිස් එක් දෙනකුගෙන් සැදුම් ලත් තවත් සරණාගතයන් කණ්ඩායමක් සිය නාවික හමුදාව විසින් ශ්‍රී ලංකාවට භාර දෙන ලද බව ඔස්ට්‍රේලියාව විසින් තහවුරු කරනු ලැබීමෙන් ස්වල්ප වේලාවකට පසුවය.
එම හතළිස් එක් දෙනාගේ දේශපාලන රැකවරණ අයදුම්පත් මුහුද මැදදීම අධීක්‍ෂණය කොට බැහැර කරනු ලැබීමෙන් පසුව, ඔවුන් ශ්‍රී ලංකාවට භාර දෙනු ලැබීම සිදු කොට තිබේ.
අනවසරයෙන් රටින් පිටව යාමේ චෝදනා යටතේ එම කණ්ඩායමට එරෙහිව පියවර ගනු ලබන බව ශ්‍රී ලංකා බලධාරීන් විසින් ප්‍රකාශ කරනු ලැබ ඇත.
ආපසු ශ්‍රී ලංකාවට භාර දෙනු ලැබීමට නො හැකි වූ දෙවන බෝට්ටුවේ තවමත් සිටිතැයි සැලකෙන දෙමළ සරණාගතයන් කියා සිටින්නේ තමන් ආපසු සියරට යවනු ලැබුනොත් වධ හිංසාවන්ට ගොදුරු විය හැකි බවයි.
(BBC)
