විධායක ජනපති ක්‍රමය අහෝසි කරන්නැයි චන්ද්‍රිකාටත් මහින්දටත් කළ ඉල්ලීම්වලට ඔවුන් ඇහුම්කන් නොදුන් බව ඔහු පෙන්වා දුන්නේය.
මේවන විට මෙරට දේශපාලන තත්ත්වය සංකීර්ණ බවත්, හිටපු ජනපති ජේ.ආර් වත් ජනපති මහින්ද රාජපක්ෂ මහතා මෙන් විධායක බලය අතට ගෙන කටයුතු නොකළ බව හෙතෙම පැවසුවේය. පොලිස් මාධ්‍ය ප්‍රකාශක අජිත් රෝහණගේ ප්‍රකාශ දේශපාලනික බවද මාධ්‍යයටත් ස්වාධීන කටයුතු කරගෙන යාමට හැකියාවක් නොමැති බවද හෙතෙම පෙන්වාදුන්නේය.
මහින්ද රාජපක්ෂ 17 වැනි සංශෝධනයට පයින් ගැසූ බවද, මැතිවරණ කොමසාරිස්ට ස්වාධීන බවක් නැතැයිද ඔහු පැවසුවේය.
අල්ලස් එකේ ෆයිල් තියෙන බව කියමින් පනින්න සිටින අය බියවද්දන බවද, ජනපතිගේ මුහුණ දැන් ෆුල් අප්සට් යැයිද, එහි සංඥා බස්නාහිරින් හා දකුණින් පෙන්නුම් කළ බවද, ලාල්කාන්ත මහතා පැවසුවේය.
ඔහුගේ මැතිවරණ ව්‍යාපාරය තණ්හා, රති, රගා වැනි බවද, කෙසේ වුවද සන්ධානයට වඩා පුළුල් මැතිවරණ ව්‍යාපාරයක් ජවිපෙ මෙවර ක්‍රියාත්මක කරන බවද කියා සිටියේය.
මෛත්‍රිපාල සිරිසේන මහතා ගිය පසු, ශ්‍රී ලංකා නිදහස් පක්ෂයේ දැන් ඉන්න ලේකම්ට ස්වීප් ටිකට් එකක් ඇදී බවත්, එසේ නොවන්නට කවදා මෙම තනතුරු ගන්නදැයි ප්‍රශ්නයක් බවත්, ඔහු පැවසුවේය.
